阿Sa話每次拍戲都好像喫了止痛藥，什麼痛都忘記。

繼2008年《戲王之王》、2015年《雛妓》後，蔡卓妍（阿Sa）最近再憑電影《非分熟女》獲提名金像獎最佳女主角，她直言得到提名似讀書時派成績表，「考到前五名都好叻啦！」提到令全城嘩然的鋼管舞劇照時，她就自爆因為拍得太忘我，拍到受傷都不知道。至於36歲依然Keep到一副好身材，又圓又翹美臀獲讚好，她笑言出了不少蠱惑。

阿Sa坦承自己心態仲好年輕，所以不經不覺已36歲。

除咗事業，愛情方面亦好順利，雜誌報道阿Sa完全收服百億太子爺男友石恆聰，年尾好事近。

阿Sa在《非分》中性感跳鋼管舞的劇照震撼曝光令全城嘩然，她笑笑口表示今次為部戲特意去學鋼管舞，更一跳愛上，「雖然唔容易學，但係我跳完幾鍾意喎！我應該會繼續學落去，係個幾好嘅運動。」

網上圖片

講到拍跳鋼管舞戲份，阿Sa喫了不少苦頭，「排嘅時候始終會留力，拍完後先發覺自己雙腳瘀曬，唔係普通嘅瘀，係黑曬嗰種，仲要其中一隻腳趾公爆甲流血，我拍時真係唔覺得痛，我懷疑可能着住對高跟鞋踭踩到自己隻指甲，搞到爆咗。」她表示每次拍戲都好像喫了止痛藥，什麼痛都忘記，「可能太投入角色，好似上身咁。」

阿Sa話綵排鋼管舞時可能留力，完全冇受傷，到正式拍先出事。

看過電影或劇照，肯定對阿Sa的鋼管舞造型好大反應，除了鮮有的性感，另一重點當然覺得她身材好，但原來她事前無特別準備過，「最初都冇諗啲衫性唔性感，角色只係普通人，所以我冇特別做咩準備，但角色係個好偏食嘅人，所以應該都係瘦嘅。（大家都讚你fit爆，屁股翹翹？）條褲我加咗手腳，後面車多咗個摺會緊啲，除咗冇咁容易走光，仲會包得個Pat Pat靚啲。其實我比以前肥咗好多，之前未試過超過100磅，依家維持喺100零幾磅咁，加埋成日水腫，真係會差好遠。咁我就會避重就輕，好似你今日見我着長袖衫，就知我手臂肥咗啦！哈哈！」

就是這場戲，搞到阿Sa要條褲要「出術」，仲要見血收場，着住嗰對高跟鞋 就是「兇器」。

網上圖片

雖然有性感演出兼受傷，但阿Sa強調不算犧牲，「我唔覺得咁樣算係犧牲或者付出，本身都要對劇本或角色有感覺先拍，講真口依家拍戲唔係嚇嚇為開飯，為好劇本減片酬我都肯制，今次都係減咗啲，因為新導演（曾翠珊）同埋係電影發展基金資助嘅。」

阿Sa仲有大露背及自慰戲份，相當大膽。

同吳慷仁的情慾場面，阿Sa覺得是演員本份不覺是犧牲。

講到獎項，阿Sa表示沒有得獎也不會太失望，「嘩！得到前五名都好叻啦！唔得獎唔會覺得你差，亦唔會冇曬信心。但如果得獎，除咗係對自己鼓勵外，最重要係幫到套戲手，真係會有啲使命感㗎！學華哥（任達華）話齋『去拍戲會幫到好多人有工開』，如果得獎會對套戲有幫助，咁政府或者投資者先會繼續投資，好似好偉大，但係對成行都係好事嚟。」

提到爭獎心情，阿Sa表現得相當輕鬆。

問到現在最想拍什麼戲，阿Sa話一定是「龍虎豹」這組合開電影，因為和容祖兒及阿嬌（鍾欣潼）一齊開工肯定勁開心，而且她已經落手落腳去速成這件事，但如要她做監製或顧問就「咪搞」。

阿Sa最期待就是跟好姊妹Joey和阿嬌一齊拍戲，相信觀眾都會期待。