齊來為兩婆孫打打氣！

網上討論區一向給人感覺是年輕人世界，其中連登討論區近年更成為年輕人發表言論的平台之一。在云云「巴打絲打」中，一名78歲的「絲打」成為眾人追Post對象，這名年長「絲打」不時發文分享生活點滴，近日她發文分享正學習用WhatsApp的Emoji和傳送圖片功能，吸引一眾「巴打」留言追Post。

SNOW婆婆跟上潮流玩十年挑戰，上載多年前的相片。snowpopo_圖片

這名網名叫SNOW的「絲打」以「絲，77歲，你問我答」發文，指昨日學習用WhatsApp的Emoji和傳送圖片功能，更上載手寫教學圖片，「我今日學咗呢啲，所以好想開post」，吸引大量巴打留言追Post。近日婆婆亦跟上潮流玩十年挑戰，她更自我提升難度，上載超過十年的照片，雖然未見樣貌，但仍獲網民讚賞。

SNOW婆婆上載圖片力證是真「絲打」。SNOW圖片

有巴打指其母親不懂用WhatsApp，讚婆婆活到老學到老。SNOW婆婆更鼓勵他「78歲都學緊！你媽媽一定識嘅」。亦有巴打向SNOW婆婆求教，指與太太因家務問題爭吵，問SNOW婆婆應如何處理。

SNOW婆婆經常織冷衫。snowpopo_圖片

被問到「婆婆你覺得要點先係一個好女仔，同對而家速食式愛情有咩睇法」，Snow婆婆認為好女仔要斯文，「依家都少架喇，做嘢正正經經，斯斯文文就好架喇，依家啲女仔太放喇。」她續指，現今愛情太化學，「一味貪玩，無諗後果，男仔女仔都有負任呀。」

SNOW婆婆學習用WhatsApp Emoji及傳送圖片功能。SNOW圖片

有巴打開玩笑稱要與婆婆展開忘年戀，SNOW婆婆回覆指「哎呀撞鬼，唔使客氣，我初戀情人就係我老公。」

SNOW婆婆學習用WhatsApp Emoji及傳送圖片功能。SNOW圖片

曾有巴打質疑婆婆的身份，直至婆婆上載拿起一張字條蓋過自己樣子的相片，寫上網名和連登帳號，力證自己是真絲打。婆婆曾交待自己有一名男孫和女孫，因真名有「雪」字，所以用SNOW作網名，由孫女親筆回覆。

替婆婆打字的孫女因腦部右後方發現良性瘤，將到醫院檢查，「講到開腦其實我都淆淆哋，又唔知使唔使剃頭，但為咗婆婆我會畀心機。」一眾巴打絲打都為兩婆孫打氣，祝她們身體健康。