成立公司簽網紅囡囡做新人?Lucy陪爸爸李璨琛宣傳新作
Lucy去到邊都係焦點!
李璨琛(Sam)趁聖誕節帶同「小網紅」囡囡Lucy及創業作《大盜演》一眾主演姜文杰、樂瞳、潘伯仲、鄺家瑜(MaryJane)齊齊報佳音,Lucy更以聖誕Baby造型現身,一班哥哥姐姐爭相跟Lucy自拍同抱抱,齊唱聖誕歌!眼見Lucy一出現即成風頭躉,李璨琛直言:「成立公司後會簽新人,好開心簽咗年紀最細既新人Lucy,佢知爸爸有新戲,重自薦做宣傳!」
身為監製的李璨琛表示今次電影起用了不少新人如潘伯仲、鄺家瑜,出道已多年的樂瞳也禁不住笑言:「其實我都係新人,電影界嘅新人,好多謝監製畀呢個機會我,重係演阿Sam分咗居嘅老婆,下次可否再找我?」璨琛回應:「好啦!下次你就來做奶媽⋯⋯哈哈!應該話做保姆。」樂瞳話:「奶媽我都ok,照顧曬大家!」至於姜文杰就說:「細細個就聽Sam哥啲歌,幻想過日後可以同佢一齊合作就好啦!今次在電影主題曲《Keep Rolling》可以一齊唱,真係好興奮!
創業作後,李璨琛的公司Soul Crew亦有一連串的計劃,他透露:「嚟緊公司會想開兩部電影,一套由姜文杰負責策劃的音樂電影,另一套目標係《香港製造2020》,會嘗試做導演,現在努力當中,希望出年同大家齊上齊落!」