只要有睇過ViuTV,就一定會見過餘逸思(Yoshi)主持的節目,其實,她在一六年參加選美得亞軍後入行,已經拍過多套劇集和主持不少綜藝旅遊節目。近期更是同一時間,三個有份主持的節目同時出街。

「真係估唔到,今年年頭竟然係入娛樂圈以來,最多曝光率?時間,出街甚至開始有人識得叫我個名,問我係咪同金剛去旅行?Yoshi?」

Yoshi其實是日文名,意思是「好」或「吉」,她早在小學時便已用這個名。

「其實係男仔名?,不過意頭好就得啦!」

Yoshi的性格亦十分「男仔頭」兼極度大膽,早前她就去了南美洲多國,尋找當地的「巫醫」,親自嘗試當地傳統巫術儀式,甚至夠膽飲「死藤水」,這種南美薩滿教的神祕「飲品」

「其實飲之前也有很多儀式,例如要戒肉、戒酒、戒色等,我是做到足。飲完之後,頭半小時好像沒甚麼,但之後就似跌入一個深淵中,有種無法逃脫的感覺,最後差不多要四小時才慢慢清醒。」

Yoshi提醒觀眾千萬不要自行購買「死藤水」來試,皆因她在作法過程中,一直有薩滿巫醫在旁保護,她自己更有一種「死過翻生」的感覺。

「之後,我就對各種神祕學好有興趣,最希望就係下次可以去埃及,再探索一些新的事物!」

撰文☆梁文威 攝影☆梁比利

服裝☆b+ab 設計☆周健民

Profile

姓名:餘逸思(Yoshi)

年齡:27歲

身高:170cm

三圍:32C、24、35

入行:二○一六年參加ViuTV選美節目《美選D.n.A》,得到魔鬼組第一名兼全場總亞軍。

拍攝及主持節目:ViuTV劇集《陽關道》,主持《金剛旅神團》、《埋?睇 埋?玩》、《旅巫》

▲與其他幾位靚女齊齊同金剛去旅行,拍攝過程中完全沒有劇本,常常被金剛考反應。Yoshi說:「有一次他說我『爺爺單身好多年,好慘!』我完全唔知佢講乜,後來拍檔提醒,我才明白他是在笑我的身材!哈哈哈!」

▲第一次和伍詠薇拍檔主持遊戲節目,想不到對方完全無前輩架子,更常常和他們幾個「九十後」開玩笑。

▲Yoshi(左一)到南美多國拍《旅巫》時,走訪多位當地巫師,更大膽到嘗試飲「死藤水」。「死藤水」是當地一種特殊飲料,傳說飲下這種飲品後,會有各種不同幻覺和生理反應,有人飲用後會通靈,甚至會見到過世親人,但亦曾發生意外,例如不幸身亡。

相關文章