近年唔少人返內地拍劇賺人仔，已經穩坐無綫一哥的馬國明亦唔例外，近年不時北上開工的他，除了拍內地劇，亦經常在國內拍TVB劇。日前，馬國明與吳啓華一齊上伍詠薇同阿Bob主持的邵氏特備節目《Tiger’s Talk》受訪，馬明大爆被女演員給房號碼挑逗他上房，主動向出名正值「天然呆」的馬明獻媚，到底呢個女演員係邊個？！

內文:東方新地

馬明在節目上自爆曾被內地女演員給房間號碼誘他上房！

日前，馬明與吳啓華一齊上伍詠薇同阿Bob主持的《Tiger’s Talk》接受訪問。馬明就大爆在內地拍劇期間，有女演員主動給他房間號碼挑逗他上房，他直言：「有啲唔係好熟嘅女演員，真係畀個房號碼我！」向「天然呆」馬明埋手，呢個女演員真係挑戰難度，馬明之後更表態自己一定唔會接受。「一定唔會，容乜易一入去成班麻甩佬捉黃腳雞！主動到咁，梗係唔會啦！我覺得係裝我多過愛我！」

成組人都派

同場的吳啟華即大爆料，指他在內地拍劇早就司空見慣，更直指逢男人都主動派房號上房的更是一線女星。他繼續爆料說：「我聽到嘅係，成組人都派！」伍姑娘打蛇隨棍上問：「係咪女一嚟呀！」吳啓華毫不忍瞞說：「直頭係萬人迷，喺大陸劇組，好多人都識佢，我知道真係全組人都派（（房號碼），壞女人壞到咁！係晚晚都派！呢啲人我唔會識！」不過阿Bob和伍姑娘就唔多信咁話：「講真！如果唔係個個派呢？」估唔到食慣夜粥的吳啓華，就爆響口話：「咁呢就可能會考慮！」

合作女星多

回顧馬明返內地拍劇，曾合作女演員的確唔少，好似同阿佘曾合作過《賭城群英會》，與胡定欣合作《深宮計》，又與胡杏兒合作過《梟雄》，與及和朱晨麗及楊怡合作《名媛望族》。而同吳啓華合作過的女演員一樣相當多，好似有蔡少芬、佘詩曼、陳慧珊、鄧萃雯，網民不妨自己估吓啦！

關注我們Facebook專頁

相關新聞

更多瀏覽

今日焦點

• 全美多處再爆示威逾千人被捕　律師：涉事警員蓄意謀殺
• 何啟俊：有才天下獵聘（6100）突破250天線，走勢看好
• 【開拍賭王傳？】稱「發白日夢而已」 伍仕賢卸責：媒體瞎編亂造
• 曼聯今夏收購曝光！一次性簽兩大「潛力股」
• 【歐美辣妹】唔靠身材出位 美國美少女夠青春
• 大概是目前最有性價比的5G手機：榮耀X10
• 宋茜絕美「綠野仙蹤」造型公開！女神完美詮釋2020夏季最流行單品
• 全球首個LINE FRIENDS瑜伽體驗 6月2日中午12時網上公開報名