鍾欣潼(阿嬌)5月初被爆出與老公賴弘國已經離婚，回復單身的賴弘國不時上載新相，又接受記者公開訪問，相反阿嬌就一直閉關，未有回應事件。

但在「520」的日子，阿嬌突然蒲頭，在抖音上載一條短片，化身「不願意透漏姓名的鍾小姐」接受「記者」訪問，與粉絲互動。片段中阿嬌戴上口罩，眼部更打上格仔。

記：你係幾時發現自己靚㗎？

嬌：去廣東打工嘅時候囉！

記：點解呀？

嬌：佢哋個個都叫我做靚女，我就迷失咗自我咯！

「受訪」期間，阿嬌言語間略帶青澀與無奈，最後低下頭來，露出「真面目」，表情還有些失落，做戲做全套！她又配文：「祝大家不要迷失自我，520快樂呀！」

From:微博/吾桐細語鍾欣潼後援會

網友見到都忍不住大笑，留言被「哈哈哈」洗版，留言充滿：「你本來就是靚女」

From:微博/鍾欣潼

From:微博/鍾欣潼

From:微博/鍾欣潼