「天然呆」真係好可愛 馬國明玩微博自製「紅V」
TVB藝人馬國明雖然粉絲無數,但就唔似其他藝人活躍於社交平台,得閒會同粉絲交流交流。不過上月馬國明終於開始玩微博!而且非常幽默地自製「紅V」,網民都激讚馬明BB真係好可愛!
撰文:東方新地|圖片:馬國明-Kenneth 微博
延伸閱讀:
《義不容情》第5-9集劇情 | 周海媚登場暗戀溫兆倫、有康有健兄弟多次爆爭執
《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑
「天然呆」真係好可愛 馬國明玩微博自製「紅V」
現今世代,唔少藝人都用心經營Facebook、Instagram及微博等社交平台,不時分享生活照、「福利照」,又可以同粉絲緊密交流。就連一向絕緣社交平台的馬國明,上月都終於開了微博帳號!馬明開通微博後似乎上晒癮,幾乎日日都更新微博,不過第一張相就唔見女友黃心穎~
V認証來了
話晒初踏入微博的世界,馬國明可能未熟悉微博操作,至今仍未得到「紅V」字新浪認證,所以網民紛紛留言提醒佢,於是馬明就擺出V字手勢自拍出post回應:「看見很多評論……都說想要認証……好啦好啦……V認証來了…yeah…」
馬明真係好可愛……
馬明的幽默感真係唔講得笑,雖然未獲「紅V」字新浪認證,但佢竟然諗到一條絕世好橋,就係每張相都加個自家製紅V,連頭象圖片都加埋!網民都想問馬明真係好可愛……
馬國明式幽默不斷為網民帶來歡樂,佢留言:「看到很多評論……發覺大家越來越失控越來越過份……希望大家學會尊重別人……照顧別人感受……本人……馬明……由第1天演戲開始……從來都是走萌萌、可愛、幽默、得意、搞笑路線……形象只得1個字…… “型”……yeah……死未…」
不過呢種幽默似乎唔係個個網民都識欣賞,所以馬明解釋:「其實我已加咗表情 ……加咗文字 星期天……笑下啦⋯都仲有人誤會我唔知什麼叫 認証……真係 冇眼睇……希望大家多d 幽默感 啦…不過 還好 有好多都識笑……謝謝你們……謝謝你們 」
黃心穎 馬國明錫錫親密照網上流出?
黃心穎早前已預告自己會旅行,早前佢就喺IG分享旅行照,相中見到佢身穿綠色比堅尼,享受陽光與海灘,但最後係只得背面睇!連「豹嫂」胡蓓蔚都留言話想睇正面!
不過唔知心穎BB係咪近日清減了,似乎以往的泳衣照比較有睇頭?
講到黃心穎對上一次以三點式泳衣公開示人,可能真係要數到2012年選港姐時!事隔六年,大家又覺得心穎BB有冇咩唔同呢?
|黃心穎 馬國明錫錫親密照網上流出?
黃心穎去旅行,心情靚爆晒泳衣照,不過大家更關心的,其實係啲靚相到底係咪男友馬國明操刀呢?心穎同馬明雖然從未公開拍拖照,不過日前竟然有兩人合照喺IG流出?其中呢張相見到心穎撐緊船,而馬明就喺海中望住BB喎!
View this post on InstagramYeah… 终于有了你们俩的照片🤣🏊♂️这张照片应该是这样啊……
A post shared by Kennenthma (@kenneth_maguomingnews) on Sep 10, 2018 at 1:07am PDT
另一張仲誇張,背景為藍天白雲加海灘,著住背心的馬明喺鏡頭前錫錫心穎BB面豬,睇佢笑得幾甜!喂不過睇真啲,馬明個動作好似有啲唔自然咁,佢呢個髮型同埋件背心…… 好似咁熟口面嘅?
View this post on Instagramthe smile you get when you get unlimited kiss 💋☀️ 当你获得无限的吻时的微笑💋.. #馬國明
A post shared by Kennenthma (@kenneth_maguomingnews) on Sep 11, 2018 at 5:26am PDT
認真你就輸了
認真你就輸了!大家睇真啲都明白其實係改圖,呢位IG版主用以下兩張心穎BB的IG相創作,第一眼都幾乎被佢呃咗!
重溫馬明錫Coffee面豬
相中馬明個錫錫動作,其實係來自2013年《衝上雲霄II》中,飾演花心機師的馬明同林芊妤(Coffee)有場沙灘調情戲,當中馬明從旁錫Coffee面豬,而著上三點式泳衣的Coffee狂騷逼爆上圍,視覺效果一流!但相信呢個組合都唔會再出現了。
|版主愛改圖
睇番呢個IG帳號都有成1萬三千幾followers,平時專係發放一啲同馬明有關的新聞、相片及影片等等,不過估唔到版主改圖都有一手,不時都會上載馬明同心穎的P圖,都算係滿足到雙方粉絲的少少幻想啦~
View this post on Instagram🤣🤣🤣🤣🤣🤣 戴住太陽眼鏡嘅心穎就回眸一笑,真係超級性感呀!唔止網民見到好大反應,留言話要跪求正面圖、馬生有福氣、有冇同馬明申報㗎,「豹嫂」胡蓓蔚亦留言:「正面呀!」,而鄧佩儀亦留下幾個「火」嘅貼圖,大讚心穎張相好火辣!當然亦有好多好奇嘅網民好想知道嘅,就係呢張相係咪馬國明幫佢影囉!
A post shared by Kennenthma (@kenneth_maguomingnews) on Sep 8, 2018 at 8:02am PDT
View this post on Instagram{明報即時} 馮盈盈男友幾時可以教馬國明影相? 好多女生都希望自己男友的攝影技術好,可以拍得自己漂亮一點,藝人都不例外,心穎昨日應網友要求放上三點式泳衣照,當然得到大家瘋狂「讚好」,不過有些網友就留言指「疑似馬國明」攝影師的技巧有待改善。 「疑似馬國明」都有新作,今日拍下心穎划獨木舟的背面照,雖然性感欠奉,但總算比昨日「頭大身細」角度好得多,加油呀,馬國明! (即時娛樂)
A post shared by Kennenthma (@kenneth_maguomingnews) on Sep 9, 2018 at 7:32am PDT
View this post on Instagram😂📸 #salad_hk #sugaraddict
A post shared by Kennenthma (@kenneth_maguomingnews) on Aug 29, 2018 at 3:15pm PDT
View this post on Instagram😂🤣 #深宮計X幕后大老爷 #任三恕X周炳
A post shared by Kennenthma (@kenneth_maguomingnews) on Sep 6, 2018 at 3:16am PDT
View this post on Instagram太想看到他们快啲结婚…😂🤣😂💏 #希望今晚瞓覺可以梦见他们结婚呀 🤣🤣🤣🤣🤣 #你po我p
A post shared by Kennenthma (@kenneth_maguomingnews) on Aug 8, 2018 at 6:42am PDT
View this post on Instagram你们有睇延禧攻略马?🤣🤣 #馬國明
A post shared by Kennenthma (@kenneth_maguomingnews) on Aug 25, 2018 at 4:35am PDT
延伸閱讀:
「我係全港No.1 !」 馮盈盈選港姐原來係為咗啖氣?