《行山少女》同《3日2夜》一樣,最賞心悅目一定係女主持嘅身材,行山唔使著三點式,不過身材一定要騷,早前謝芷倫(Jan)就帶陳婉衡(Alycia)去挑戰極難行嘅飛鵝山,仲一探傳聞非常險要嘅自殺崖。擁有36E逼爆上圍嘅陳婉衡身穿緊身運動服,蛇腰與蜜桃臀表露無遺,完勝包到冚嘅謝芷倫!
撰文:東方新地
蜜桃臀搶fo
擁有馬甲線和蜜桃臀、現年29歲嘅陳婉衡(Alycia)被封新一代咪神,近年主持《Go! Yama Girl》及《3日2夜》漸漸為人熟悉,在節目中經常攀山涉水,行山節目當然難唔到佢啦!今次同謝芷倫(Jan)一齊登上飛鵝山,因為沿途都係樹林同崎嶇山路,其中有部份路線仲需要攀爬,有一定危險,所以兩位索主持都唔能夠著bra top上陣,不過唔緊要,陳婉衡有逼爆身材搭夠,緊身運動服一樣好搶fo。
行足幾個鐘仲要餵蚊,陳婉衡好醒目帶定蚊怕水,邊行邊噴自己嗰條露出嘅蛇腰,謝芷倫就選擇包到冚著風褸,不過行到上山頂影相就除去外套,輕輕一露搶番唔少分。成個過程行足五個鐘,最後登上高603米嘅飛鵝山山頂,陳婉衡呻攰行到腳仔軟,仲笑言蜜桃臀會更加結實。
延伸閱讀:
楊秀惠TVB門外被貼大字報數臭「表面風光內裡骯髒」即日透過公關緊張回應表示⋯⋯
有片!花絮劇照含劇透!《降魔的2.0》新舊角色、人物關係!追劇必讀