聖誕去邊好？去夾公仔啦！香港首間「GANAWAWA」旗艦店已經喺慈雲山中心開幕，店舖有成1500呎大，入面有超多部夾公仔機，可以夾到多款迪士尼、環球影城等正版授權產品，好似Minions、One Piece同荒失失奇兵呢啲為人熟悉嘅動畫，佢地嘅角色都進駐咗店舖入面。除咗夾公仔機之外，仲有其他唔同嘅遊戲，好似掟彩虹同投籃機等，嬴咗都有機會可以換領到公仔！另外，店內亦設有精品零售區，可以買到多款唔同動漫角色嘅精緻手辦公仔，FANS們真係唔可以錯過！

同場加映仲有商場嘅打卡裝置，由全新角色「Dreamy Friends」陪大家一齊影出最吸睛嘅呃like相！

▲店舖有千幾呎大，入面有成接近20部夾公仔機。

▲全部公仔都係官方正版授權。

▲無論係情侶、一家大細定係三五知己，聖誕都可以嚟呢到夾公仔！

▲多款唔同嘅Minions，Fans仲等咩？快啲去夾啦！

▲仲有荒失失奇兵，夾返屋企放喺床到，冇得輸。

▲係好可愛嘅喬巴呀！

▲仲有Q版路飛！好想帶返屋企呀！

▲除咗夾公仔之外，仲有其他遊戲機同遊戲攤位，例如掟彩虹。

▲當然唔少得經典嘅投籃機。

▲精品區有多款手辦公仔賣，無論係美國動漫定係日本動漫嘅角色都有。

▲慈雲山中心所推出嘅全新角色「Dreamy Friends」，三個角色嘅名都係取自慈雲山。

▲新角色「阿山」，外形係一座小山丘。

▲新角色「阿慈」，隔離係韆鞦，感覺好似真係喺星空到玩韆鞦咁。

▲新角色「阿雲」，配埋粉色紅背景，非常可愛。

▲旋轉白雲，感覺相當溫馨。

GANAWAWA旗艦店

地址：慈雲山中心2樓223-225號鋪

開放時間：11:00 22:00

慈雲山中心Dreamy Friends

日期：即日起至12月31日

開放時間：12:00 20:00

地點：慈雲山毓華街23號慈雲山中心5樓中庭

文字來源：香港人遊香港/ 圖片來源：慈雲山中心

這篇文章 慈雲山夾公仔：【1500呎夾公仔新店！Minions/海賊王等正版公仔等你夾！】- 慈雲山中心 最早出現於 香港人遊香港。