七万步徒步由天水围行路去柴湾！Youtuber「Cedric社职仔」爆红破万follower上位

Youtube英雄出少年！继鸡丁之后，最新一位受关注的演出者，系刚刚突破13,000订阅的中学生「Cedric社职仔」，由14岁嘅细路自己拍片，上位之作就系「walking challenge」，凭一条「徒步由天水围行路去柴湾」甚获好评，得到超过14万views，一齐睇下有咩吸引之处⋯⋯

文：潮闻社

今次「Cedric社职仔」的壮举花了14小时，徒步由天水围行路去柴湾！总共42公里，浓缩成20分钟的短片，路线途经：元朗、八乡丶上村丶大帽山郊野公园丶荃湾丶葵涌丶南昌丶旺角丶何文田丶红磡码头丶北角丶太古⋯⋯以柴湾为终点，行足70,000步！沿途仲有好多fans加入：

其实「行路挑战」其实已经系第 3集！「Cedric社职仔」1月初摄此拍片期间，youtube订阅只系刚刚突破400人，不过此片一出之后，订阅人数火速上升，片尾Cedric表示条片过到80like就会筹拍「行路挑战4」，结果影片得到超过5,000 likes，仲有145,988 views，反应远超预期！

邀请观众参加、沿途多人加入！「Cedric社职仔」自述拍片难度

话咁快就行路挑战3，因为我知道真系好多人想睇，今次我哋再加难度，由天水围行到去柴湾，总共42公里，行左14个钟，今次嘅行路挑战非常特别，有观众主动约我一齐参加，我系谂都冇谂过。啱啱由天水围开波𠮶阵时，系非常静嘅，唔似上一次。同埋今次嘅行路挑战有山路，对我来讲都有难度，我行行吓只脚竟然扭亲，不过都冇事仍然继续挑战。啱啱喺荃湾开始见到班观众真系好尴尬，一嚟佢哋太多人，我担心行唔行得晒，二来我哋唔熟，净系第一次见面，净系讲咗几句嘢，Rose同Brian因为觉得尴尬得滞而中途走咗，净系陪我行咗去荃湾，坏人就代替左佢哋，所以真系好尴尬嫁，因为我净系识Ryan一个。后尾我哋落港岛之后就开始熟，开始一齐倾计，开始影人哋影人哋影人哋影嘢，虽然系无聊，但系增进左唔少感情，最难忘嘅系我行行吓竟然破左400订阅，多得班观众唔少，令我啲订阅数不断上升，有380飙到去420，所以话，做得YouTuber要同其他YouTuber合作，咁你嘅曝光率先会上升，以后可以嘅一定再约佢哋拍片。仲有今次行路挑战特别嘅系第一次搭船，我哋揾咗个红磡码头好耐先去到，最惨嘅系睇住上一班船走，虽然系个坏消息，但系我又有个好消息，就系我赶到尾班船，拼晒命跑落去红磡码头，不得不佩服我同我班兄弟。今次总共行咗70,000步，比上一次多咗，证明我又行得劲过上次，上次行得𠮶35公里，今次42公里，但两次同样都系用咗14个钟，证明我行得快左(其实只系拖慢步速𠮶啲人冇嚟😂)。返到屋企，已经就嚟12点啦，好彩听日唔使返学啫， Ryan就惨啦要返学帮手搞啲嘢，哈哈哈。虽然只脚都系起晒枕，只袜啲色甩咗落只脚度，但今次我唔同上一次咁样即刻瞓着，可能系第一次见到班观众兴奋得滞，搞到我瞓唔着。今次我好好彩，行行吓冇肚痛或者胃痛，系上一次太惊先会胃痛，上次大埔道就系最具挑战性嘅地方啦，今次呢就系柴湾道𠮶条斜路，黐孖筋㗎！条柴斜好鬼死斜㗎，我同班fd作死咁样跑左上去，都唔知我哋个脑系咪装屎㗎，行完之后即刻喘晒气。同埋我应承咗大家，如果呢条片个80个like，(同埋我临时加多左个条件：就系要过450个订阅)我就会拍行路挑战4，至于边度行去边度我仲未谂到，有咩建议欢迎留言同我讲，我哋会考虑吓，希望呢条片会过3000个观看次数，讲真我哋系未死过，就算荡失路又或者比狗咬过吓好惊，但系我都系好有兴致再行路，我一定会再拍行路挑战4，各位到时我出咗条片再见啦！拜拜
(by Cedric)

网友回应：

我一睇片头，天水围行去柴湾，十分吸引我，立即入去睇下，见到三条靓仔傻下傻下噉，我打死都唔信能够完成，一路行一路睇一路行一路睇，哟毅力真系令我佩服，最后我向你们致敬！（并立即订阅，期望你下次挑战）。
行14个钟…..中要行山年青人真系好我屯门行去元朗2个钟已经想死
柴湾人表示勇气可嘉欢迎你黎到柴湾

想认识多啲位Youtuber，大家可以睇睇佢嘅「万人订阅Q&A」：

影片精选了60几条问问题，有fans表示「由150订阅追到你一万订阅，呢个速度真系值得令人佩服佩服」：

重温：徒步挑战 2 上水行路去尖沙咀！

「要行三十几公里，呢次行路挑战比上次难，讲错咗系行怒挑战，首先啦我哋有六个人，要兼顾晒佢哋所有需要系好难嘅，所以进度就慢咗好多，尤其是天黑前仲行紧山路真系好危险」

重温：徒步挑战 1 屯门行路去宝琳！

开台4年13,000订阅，恶搞Zoom爆18万views

「Cedric社职仔」频道在 2016年7月5日开台，至今年5月刚好突破13,000人订阅，高收视作品包括：

「当你用Zoom上课时⋯」

当你用zoom上课时⋯丨七种用zoom会发生的事话说呢个肺炎而家搞紧香港，好多学校为咗安全起见，就停咗课，坊间就好多人要实施停课不停学嘅行动，就要求啲学生停课嘅时候都要上堂，自己继续学习。所以就用zoom呢个应用程式，就可以好多人一齐视像通话咁样见面上堂，当中就会有好多尴尬嘅事会发生，咁究竟系咩呢，我谂大家就心中有数。至于如何避免呢啲尴尬事发生呢，影片中会有提及，咁慢慢睇啦。