豆腐人聖誕禮物星球登陸香港! 見習聖誕老人體驗+5 米聖誕機械人

每年聖誕節小朋友做收禮物角色，今年玩轉角色做聖誕老人見習生，日本創作團隊Devilrobots係今個聖誕帶大家一同到訪TO-FU-OYAKO豆腐人聖誕禮物星球，入面有5 米的聖誕機械坐陣，見習生會接受一連串禮物挑選、檢查以至送遞工作訓練，考核大家成為聖誕老人資格。豆腐人愛好者去期間限定店掃貨唔駛多講啦!最後唔好唔望下棵聖誕樹，有超過 100 隻珍藏版豆腐係荃新天地 2 期聖誕樹上列隊，部份豆腐人係香港首次見面。

▲成個商埸將豆腐人聖誕禮物工廠搬嚟，將節日歡樂送到全宇宙

▲5米聖誕機械人迎接各位，同豆腐人一齊入駕駛倉去出發派送聖誕禮物

▲第一站係禮物寶庫－見習聖誕老人初嚟報到要有眼明手快條件，靈活控制吊臂，係寶庫入面揀出豆腐人禮物，然後用特製掃瞄器檢視收獲

▲到禮物檢查站，見習生需要STEM邏輯思考，搭建禮物運輸帶，將已完成檢查的嘅禮物安全送到指定派發點

▲最尾係禮物宅急便，做聖誕老人體能測試係必做，係虛擬街道上避過障礙物，用最快速度將聖誕禮物安全送出

TO-FU OYAKO 豆腐人聖誕禮物星球

地點: 荃新天地 1 期及 2 期

日期:2019 年 11 月 30 日至 2020 年 1 月 1 日

時間: 10:00am – 10:00pm

-

文字來源 : 香港人遊香港/圖片來源 : 荃新天地

這篇文章 荃灣展覽:【豆腐人聖誕禮物星球登陸香港! 見習聖誕老人體驗+5 米聖誕機械人】-荃新天地 最早出現於 香港人遊香港。