希望小紅姐能盡快遇到比她強的好人！

英皇集團主席楊受成昨晚（29日）設宴祝賀惠英紅（小紅姐）獲頒發「銅紫荊星章」，小紅姐直言獲受勳感覺不同於電影頒獎禮上獲獎，對人生上有交待覺得無憾。

惠英紅（小紅姐）獲頒發「銅紫荊星章」。資料圖片

雖然感情生活上未有收獲，小紅姐自言不少人曾介紹異性讓她認識，可是大家誤會她是女強人，好似被判「死刑」，「我唔係好事業型女性，啲人以為我好勁咁。有一次有人介紹男生，佢話我咁強勢點頂？我好乖坐喺度，但我耳仔同眼都唔好，所以畀唔到反應對方，成日話我好Cool。」

小紅姐直言獲受勳感覺不同於電影頒獎禮上獲獎，對人生上有交待覺得無憾。

58歲的小紅姐坦言錯失好多情緣，試過拍拖一星期分手，因為男方友人指睇過她所拍的寫真集覺得又正又索，男友似乎不能接受就分手，已有21年感情空白期的她謂：「我係波絲貓，但個樣生到似獅子，我本身做戲，唔想在人前演戲，但我一啲都唔強。（揀對象可有要求？）一定要強過我，同埋要是好人，有大肚腩同臭狐都無所謂。」

英皇集團主席楊受成昨晚設宴祝賀惠英紅（小紅姐）獲頒發「銅紫荊星章」。

自爆30歲時睇過紫微斗數的小紅姐，直言師傅批她60多歲有對象，老來才有伴，當時她手持命坐在公園睇到喊，事隔多年所批的事件也批得準，所以令她開心。師傅講她老來有伴，還有跟老友玩麻雀、去旅行，她希望師傅說得中。

東星圖片

惠英紅、楊受成（東星圖片）