【兩年抱兩】張致恒太太雯雯暗示再度有喜:仲有幾個月

張致恒宣佈與未婚妻雯雯奉子成婚後，就爆出「一腳踏五船」及欠錢不還等醜聞，不過未婚妻雯雯仍然多次在網上公開支持張致恒，更為他誕下一子「天寶」，張致恒亦稱以後會做個好爸爸。

轉眼間「天寶」已經7個月大，昨日雯雯於IG貼出Steven抱着兒子溫馨照，並留言暗示再有喜：「已經幾日食唔到嘢，咩都冇力做唔到，辛苦你照顧個仔仲要照顧我，辛苦你要將我食完一兩啖嘅嘢食埋佢，辛苦你要一日煮咁多餐畀我食，辛苦你要遷就我嘅脾氣同無理取鬧。仲有幾個月...大家一齊努力堅持埋佢！」

在 Instagram 查看這則貼文

已經幾日食唔到野.. 咩都冇力做唔到辛苦你照顧個仔仲要照顧我辛苦你要將我食完一兩啖既野食埋佢辛苦你要一日煮咁多餐比我食辛苦你要遷就我嘅脾氣同無理取鬧。仲有幾個月.. 大家一齊努力堅持埋佢！ @stevencheung

Manman Au（@aumanmannnn）分享的貼文於 PST 2019 年 11月月 18 日上午 5:17 張貼

而Steven亦有留言回應老婆：「因為你，我真係要好好減肥先得，如果唔係我抱唔到倆個啊，我愛你。」似乎間接受承認雯雯懷了第二胎的消息！

微博香港娛樂：【張致恆35歲生日晒全家福】@張致恆steven （Steven）昨日35歲生日，老婆雯雯與7個月大兒子天寶齊為他慶生，老婆在社交網寫道：「簡簡單單過咗個12:00，生日快樂爸爸！繼續錫呢個家，希望你可以每日都笑，萬大事仲有呢個家陪住你。」Steven則以愛的宣言回應：「老婆我愛你，仲會愛你一世㗎！」 -- 微博香港娛樂

From:微博/微博香港娛樂

香港TVB資訊台：囝囝半歲大　張致恆感觸高呼：我愛你老婆

藝人張致恆（Steven）與女粉絲雯雯經歷重重波折后終於成婚，二人育有囝囝張天寶，一家三口過住溫馨小日子，雖然Steven因形象破產冇工開，搞到要做酒店炒散搵錢養家，但有付出點都會有收穫！

原來天寶唔經唔覺就六個月大，Steven就喺社交網曬出仔仔靚相同全家福，見佢哋幫阿仔換上西瓜裝，瞓喺標示住「6 Months Old」嘅道具布，非常可愛，加上一雙小肥髀，難怪老竇Steven都話：「佢真系好鬼重啊，依家先六個月大，已經好似一歲咁，再大啲咪抱唔起佢。。。。。手都斷啊！」

而天寶又換上唐老鴨裝，眼仔睩睩影全家福，仲畀爸爸媽媽左右「夾擊」啜爆面珠，加上大大個生日蛋糕，畫面又搞笑又溫馨，Steven亦好有感觸咁寫道：「希望佢開開心心過每一日，我幾辛苦都值得㗎！我愛你老婆。」 -- 香港TVB資訊台

From:微博/香港TVB資訊台