吳若希（Jinny）現身電臺宣傳新歌，早前她在社交網站透露曾對自己的身份感到迷惘：「到底我係藝人定係一個歌手，定係一個識唱歌嘅藝人？」近年她作多元發展，堅持爭取7年如今終於再次推出非劇集歌，對她而言意義非凡，揚言會做好宣傳。

From:微博/香港TVB資訊臺

對於早前開Live透露老公不自慰，被指爆對方私隱，Jinny回應指老公沒有介意：「其實好正常啫（指自慰），幾多歲呀？」至於被指教壞細路，她澄清自己當晚凌晨才開Live，而且相信現在的小朋友不用她教，又表示其弟弟10歲已經問她性問題，其實很正常。

學會去珍惜：#吳若希[超話]# @JinnyNg吳若希 IG Update
大家可能未必明白，等足7年嘅感覺，係咩一回事；
可能未必明白，一首非劇歌，對於我嘅意義；
更唔可能明白，一次又一次爭取，都換來空歡喜嘅失落。

我入咗行十年，大家聽到吳若希，淨係聯想到越難越愛，
當然，有一首屬於自己嘅代表作，緊係開心啦。
不過，呢首歌其實已經係2014年，6年前。
咁我呢6年，到底做過啲咩呢？！
拍嚇劇集、做嚇主持、結婚、仲生埋個女，都叫做有唱嚇劇集歌…
連去街市，賣菜嘅姐姐同賣魚哥哥都有睇我玩狼人宮廷版，但講唔出我唱過的歌名。
到底我係藝人定係一個歌手，定係一個識唱歌嘅藝人？
回望返自己呢幾年，我都唔敢揭開我內心嘅答案。

但係當我收到，我．終．於．可．以．出．首．非．劇．歌 嘅消息
內心嘅激動係呃唔到自己。
果種又期待又緊張嘅感覺，好似我入行初初出第一首歌咁。
《這位蠢才》呢首歌，提返起我
原來派新歌係咁興奮；
原來歌手要擁有一首屬於自己嘅歌，係一啲都唔容易。

我唔敢肯定《這位蠢才》會唔會成為你哋心目中，吳若希嘅代表作，
但佢一定係喺我唱歌生涯中不能缺少嘅一部分。
我唔知幾時再有咁嘅機會，
亦唔知會唔會再有下次。

但係能夠一齊同我見證今次嘅各位，
希望你都會記住這位橫衝直撞嘅蠢才。
我愛大家～～～～～

其中一人粉絲們永遠支持你，加油！！！ -- 學會去珍惜

From:微博/學會去珍惜

港劇辣評社：繼早前吳若希（Jinny）在IG開Live自爆老公的「祕密」，在約1,500名觀眾目擊之下，笑稱老公Alex是一位不會「自瀆」的人：「佢係一個唔自瀆嘅人，因為佢話好嘥時間，其實（自瀆）可能係講緊5至10分鐘，對比起打機2、3個鐘，佢話打機唔嘥時間，唔係好明佢對時間投入嘅觀念，係我有問題定點？」Jinny今日（3日）又再開IG Live宣傳自己的新歌《這位蠢才》，而今次IG Live的內容是Jinny接受商臺節目《叱吒樂壇》訪問，透過大氣電波與聽眾分享新歌《這位蠢才》的製作和心情。但原本與主持人謝茜嘉傾得興起，豈料一提到「非劇集歌」時，她卻突然爆喊，聲淚俱下：「其實呢個機會我都爭取咗好多年，所以我好珍惜今次嘅機會，我唔知下一次再可以派『非劇集歌』係幾時......其實係感動㗎真係！我派歌之後就收到好多朋發訊息畀我同我講，話我唱歌真係好好聽，多謝你。佢同我講呢兩年都冇乜聽我唱歌，因為好多時都係劇集歌，佢都預期咗係咁樣......」Jinny再度泣不成聲，同時亦希望大家可以見到自己的努力和認真。

其實Jinny出道初期，在樂壇的成績非常之好，除了有多首冠軍歌之外，亦是多個樂壇頒獎禮的常客，屢獲殊榮。自從2014年加入星夢娛樂，雖然極速上位被稱為「星夢一姐」，又拍劇又唱主題曲又做主持，工作不斷，不過每次推出的新歌都與「劇集有關」，所以今次新歌《這位蠢才》令到Jinny特別感動。 -- 港劇辣評社

From:微博/港劇辣評社

From:微博/港劇辣評社

From:微博/香港TVB資訊臺