【終於完】WSET Level 2 已用$9xxx,我就投降喇!
正式完成 WSET Level 2 嘅課程喇!
50 條 M.C. ,對咗 10 條,
起碼錯 1 條,都算係咁啦,
我都唔敢繼續睇對落去住,
等有成績再公佈喇!
考試前一日,將練習重做一次!
WSET Level 2 對我嚟講真係學到好多嘢,
比起之前雜亂無章嘅我,
而家咁樣更有系統,
由世界主要種植嘅葡萄,
到世界主要葡萄酒產區嘅介紹,
再到加強酒同烈酒嘅精讀,(雖然呢 Part 係我最搞唔掂)
WSET 算係正式引領我進入葡萄酒嘅大門。
我都算坐得近喇!
有人問我究竟係唔係酗酒,叫我唔好飲咁多,
但我可以好確實講俾任何人知,
我係真係鍾意葡萄酒。
佢包含咗上天嘅眷顧,
地理上嘅幫助,
同人嘅努力,
令到每一個地方,
每一個年份都有獨一無二嘅葡萄酒。
唯一一堂無上就錯過咗咁多好酒!
另外,每個酒莊,每個釀造者都有佢地背後嘅故事,
佢地如何成為釀造者,
佢地抱住甚麼理念,
背後嘅辛酸......
我係會繼續葡萄酒嘅道路,
前提係我要搞定.......
1. Level 2 要合格
2. Level 3 嘅 $9,800
媽的!!!!