今日快報

爆缸破相　盧惠光面留3吋傷痕

現年60歲嘅動作演員盧惠光正忙於爲內地網劇趕戲，日前佢開廠景時不慎被跌落嚟嘅燈架撞傷，導致「破相」，送院接受治理。佢喺社交網上載多張傷勢相，並留言：「爆缸！」相中見佢面部鎅傷，傷口由面頰位置延伸至耳仔，足足超過3寸長，傷口還有滲血情況，不過見傷口唔算太深，相信佢情況並無大礙。唔少網友紛紛留言送上慰問。

佢接受訪問話：「個燈架反咗落嚟，咪撞落我度，知道受傷，但都想拍埋嗰兩場戲先，但當時真繫好痛，導演叫我去醫院，我咪去照嚇有冇事，出嚟結果都話我冇骨裂，唔使縫針，我見冇暈就返咗去繼續開工，完成當晚拍攝，因爲個架要拆！」由於意外受傷，但系佢沒冇打算向電影公司追究：「我有睇番個燈架，都唔明點解會反落嚟，我覺得系意外，咪當自己犯太歲囉！」

生日Trip冧到暈　陳茵媺陳豪深情一啜閃爆

藝人陳茵媺（Aimee）星期一（1日）剛過38歲生日，佢就同咗老公陳豪及仔女去咗個生日旅行，日前就着上Deep V泳衣曬湯碗胸，今日佢就再嚟多個冧爆深情錫錫，真系閃爆Mon！

今日Aimee喺社交網上載短片，片中主角當然就係壽星女本人，見佢系咁對鏡頭甜笑，就知成段片大部分都系老公陳豪視角出發，冧到暈嘅Aimee仲喺片中加插同老公同鏡嘅Sweet爆畫面，最吸睛嘅就要數陳豪逆住光向Aimee深情索吻，兩口子好似拍拖仔咁錫錫，真系又溫馨又浪漫，片中又見到Aimee下水禮玩浮潛，成個Trip正到爆裂，連網友睇片都Feel到佢哋幾咁煙韌，上載一個鐘就已經有逾2萬點擊率，雙陳魅力真系冇得輸！

《愛回家》兄弟發圍　安仔朱凌凌孖住搵銀

無線熱播處境劇《愛．回家之開心速遞》捧紅咗唔少演員，除咗一衆情侶檔好似「龔燁熊若水」、「大小姐送水輝」之外，就連兄弟檔一樣備受注目。藝人周嘉洛、吳偉豪飾演嘅「安仔朱凌凌」亦好入屋，佢哋呢對好兄弟形象仲深入民心，就係因爲咁，佢哋被廣告商睇中，邀請佢哋拍攝點心廣告，當中梗系繼續飾演一對感情深厚嘅難兄難弟，期間佢哋邊拍邊食，寓工作於娛樂拍得好開心。

接受第三次化療　金燕玲精靈樣約祖兒飯局

藝人金燕玲患有子宮癌，現正接受化療，早前已剃光頭的她透露剛做完第二次化療後，痛楚令她生不如死，過程比第一次辛苦好多。不過其密友蘇施黃就喺社交網甫出多張合照，指金燕玲原來已接受第三次化療，而她更比前兩次更精神，昨晚已相約容祖兒等出街飯局，似乎抗癌進展理相！

蘇施黃指上兩次做化療後，金燕玲身體非常不適，又嘔又周身骨痛，更要瞓牀五日出唔到街，但今次金燕玲剛做完化療第三日，竟然已經精神出街！合照中見到戴頭巾的金燕玲笑容十足，雙眼有神，即使坐喺化咗妝嘅祖兒身旁都未見疲態，席間就見佢枱頭放上保溫杯，睇嚟佢身心狀態都好好。

爲靚景捱凍！洪卓立踩上雪山拍MV

藝人洪卓立（Ken）相隔11年再到日本拍攝新歌MV：「其實系我話要嚟雪地拍，因爲靚，導演組就搵咗個雪山畀我，我諗呢個雪山系我出道12年嚟，拍攝最凍嘅地方！」他表示長時間處於零下2度的雪山，對他和導演組來說都是一個大挑戰：「又凍又大風，啲風大到好似10號風球。記得《愛無膽》都喺日本拍、都系冬天，都系要着住好薄嘅衫去拍。」Ken很照顧同行的工作人員，不時遞上熱飲及保暖衣物展現暖男一面。雖然拍攝過程辛苦，但Ken指這次雪山之旅相當值得：「每一日都好早起身，擡好多機器上山，大家好辛苦、好凍，但睇完啲相覺得系值得嘅！」

在這6日5夜的拍攝中，他對電影《千與千尋》場景設計的靈感之地銀山溫泉區印象特別深刻:「一落車要行一段又黑又冇街燈嘅路，點知一去到見到啲街同建築物，就覺得好似穿越咗去第二個世界。」

Ken透露今次有份參與歌曲及MV製作：「希望所有嘢都有自己少少血喺入面，影相又好，古仔又好。我好相信團隊，但都希望有自己嘅參與。」

27年情唔穩定！張智霖愛情定義：要有矛盾

藝人袁詠儀（靚靚）與丈夫張智霖（Chilam）早前應邀，參加研究兩性關係的研討營，與衆同學分享人生經驗。席間Chilam語重心長分享自己的愛情定義：「就係不穩定狀態，所以先會畀人刺激。今日唔知聽日事，呢刻唔知下一刻。意思系要捉住它、擁有它，呢個心態本身同愛情有矛盾。」靚靚在網上貼出相關相片，指今次活動獲益良多：「參加了一個非常有趣的聚會，可以跟一班年輕人爲人生、性格、男女愛情進行探討。」兩人又談到彼此27年來的緣分，絕對得來不易。

此外，靚靚早前應內地綜藝節目邀請，分享一家三口的舊照，當時只得兩、三歲的囝囝，與Chilam「爭飲」一杯飲品，表情趣怪，她笑言：「說明這一家都是吃貨。」

提婚變即落閘！洪欣嘆難見仔仔

藝人洪欣到商場出席活動，談到最近其19歲仔張鎬濂在選秀節目勝出並正式出道，榮升星媽的洪欣直言尚未習慣，指仔仔每日都要開工及訓練，非常忙碌，兩母子很少時間見面：「佢好少返香港，有時喺大陸突然話要訂機票返嚟一晚，見一見我哋又走，我都唔知佢schedule，我都掛住佢。如果知佢喺邊個地方會留幾日，就會去探佢，但如果佢去韓國訓練，時間就好緊湊，比較難見。（有冇後悔畀佢入行？）呢個系佢自己選擇。（覺得心痛？）我都系呢行，知道系咁，而且佢細細個見過我哋做嘢，都有心理準備。（擔心佢喺韓國會畀人蝦？）好多地方都有事情發生，唔可以咁就拼埋一齊講，佢冇遇到。（阿仔有冇搵你傾心事？）佢好樂觀，冇乜話唔開心，不過早前參加節目壓力大，因爲佢跳舞系比較短時間，都擔心應付唔嚟。」

她表示仔仔比賽過程期間，自己也有給意見，起初也有批評，但因知道仔仔壓力很大，於是改爲鼓勵他：「見到佢總決賽有好大進步，一兩個月就咁大進步喎！唔可以同人哋十幾年比，我覺得好欣慰、好熱血，想跳埋一份咁。」

此外，問到最近與老公張丹峯的婚變傳聞，洪欣即落閘表示：「唔答呢啲問題喇！講番啲開心嘢。」

擱置家庭旅行？陳自瑤爆囡囡：習慣曬

藝人陳自瑤（YoYo）在銅鑼灣出席護膚品活動，YoYo受訪時被問到可有信心將來也成爲美魔女？她笑說：「自己會向呢個目標進發，點都要話有信心，其實呢個世代嘅人50歲都仲好後生，好多美魔女都keep得好好，好似紅姐（惠英紅）之前影嘅泳衣真繫好靚。」

講到護膚心得，YoYo表示即使拍劇很忙，回到家亦要照顧小朋友，雖然經常凼女兒睡覺時也會在牀邊睡着，但仍會堅持每日敷面膜，因有保養皮膚與沒有保養相差甚遠，亦認爲睡眠質素對皮膚很重要。

問到女兒可有學她扮靚？YoYo笑說：「梗繫有，生女就係咁，佢都有攞啲護膚品、脣膏嚟搽，仲着我啲高踭鞋，都有影低相留念。」講到老公王浩信透露將計劃一家人去旅行，YoYo也坦承很久沒有家庭旅行，但暫時未知能否成行，要再計劃，笑說：「個女都冇投訴，佢都習慣曬，自己有時間都會陪住佢。」

72歲羅家英入院逾3日

現年72歲嘅羅家英喺4月1日微博發文悼念張國榮，同時更透露入咗院：「4月1日！懷念張國榮，我躺在醫院病牀上，想起與哥哥第一次合作《金枝玉葉》，再後的《色情男女》，《金玉滿堂》，等等，多少年了，斯人早逝，幸留光影讓我們懷念，在天堂快樂嗎？」之後就未有再更新微博，不過就有轉發貼文。

而契女楊玉梅尋日就去咗探對方，仲上載幾張合照，見到家英哥着上醫院病人袍圍上頸巾，戴埋墨鏡同口罩，之後就除低同玉梅影相，精神唔錯仲嘟嘴搞笑添！玉梅就留言：「同亞（阿）爸你要保重身體哦　我們會很擔心你呀　要乖乖休息多點　見到你仍然那麼帥氣我也放心了　祝亞（阿）爸火速痊癒（愈）身體健康　愛你」不幸之中嘅大幸，原來家英哥系發燒40度入院，而太太汪明荃就未有喺社交網透露情況。

羅家英2005年患上肝癌，當年切除部分肝臟，最終成功撃退癌魔，而早年再入院接受手術切除五分之一肝臟。而汪明荃10幾年前亦發現罹患乳腺癌與甲狀腺癌，兩人經歷生死後，2009年喺美國拉斯維加斯註冊結婚，攜手相伴。而家英哥更講過：「對我來說晚一點沒關係，只要有一個好的結尾……你剩半條命，我也剩半條命，我們就合成一條命，相依爲命，同心到老。」