铜锣湾cafe：【Oreo食法！花生慕丝+朱古力酱曲奇三文治浸咖啡食！】- Artista Perfetto

呢间咖啡店兼卖另一品牌蛋糕同曲奇，有网友就形容佢地既蛋糕同咖啡系perfect Match，但因疫情缘故，大家都系买完返屋企慢慢叹比较安全。尤其系今次新产品花生慕丝加朱古力酱曲奇三文治系独立包装，方便带返去慢慢品尝，香浓松化曲奇夹心一于打孖上有两层，一层系芳郁既朱古力酱，另一层就系香滑花生慕丝酱，店主仲系ig教路，将曲奇三文治浸入牛奶咖啡中再食，相信更有更一番味道。

▲花生慕丝+朱古力酱曲奇三文治，同小店出品既咖啡味道非常配调，一齐食用真系perfect match！

▲今次花生慕丝+朱古力酱曲奇三文治系以塑料胶袋独立包装，外卖返屋企食更加滋味！

▲花生慕丝+朱古力酱曲奇三文治星期一至日全天候都有得食，大家不妨买多几个home office时做点心

▲原味云尼拿烧焦芝士蛋糕 Original Vanilla Basque Burnt Cheesecake （$48 ）：Burnt cheesecake系列系网络大热，其实佢系由@hemma.hk 用心制作，佢并未有实体店，所以心血来潮想食佢既蛋糕，只好黎呢个cafe碰碰运气！以日本蛋入馔，芝士软心焗到半熟，又充满蛋香同云尼拿香气，而表面则带有焦糖香。

▲焙茶烧焦芝士蛋糕 Hojicha Basque Burnt Cheesecake （$48）/ 绿茶烧焦芝士蛋糕 Green Tea Basque Burnt Cheesecake （$48）：滑溜creamy cheese夹杂微涩茶口味，令整体冇咁邪恶。Cafe系公布曲奇新品同时，亦宣布芝士蛋糕系列只限Weekend及公众假期供应，星期一至五将停止供应。想食既话其实可以直接系@hemma.hk预订！