Arthur是集萬千寵愛於一身的「金叵籮」！

名媛諸葛紫岐（Marie）與Neway太子薛嘉麟所誕下的寶貝仔薛華韜（Arthur）已經五歲，Marie坦言，乖仔在她心目中是第一位。早前，自細鍾意恐龍的Arthur生日，兩夫妻就別出心裁為他舉辦了一個恐龍主題的生日派對，還指囝囝的心願是有弟妹，所以會努力「造人」！

Marie夫妻對寶貝仔疼愛有加，所以特別為他安排以恐龍為題嘅生日派對，還訂製咗一個跟囝囝同等高度嘅巨型恐龍生日蛋糕。（《東周刊》圖片）

據《東周刊》報道，這位廿四孝媽媽帶囝囝去中環置地廣場行街。雖然乖仔全程跳跳紮無時停，但Marie都非常有耐性，更讓囝囝話事。現場所見，Marie先拖着寶貝仔，行上樓上一間蛋糕店，似乎想買蛋糕哄囝囝開心；同時她又彎下身聽囝囝意見，並讓他自己選擇。

對囝囝好有耐性嘅Marie，任由佢自己揸主意，喺雪櫃前揀蛋糕。（《東周刊》圖片）

期間，超級活潑的Arthur趁Marie付款時，一個轉身就自己走開，然後揈手揈腳變身扮超人，十足甩繩馬騮。不過，Arthur都很孝順，搶住幫手拿蛋糕！

五歲大嘅Arthur要自己拎住一袋蛋糕，再拖實媽咪Marie行落樓下餐廳。

其後，兩母子與外傭行落樓下一間餐廳，一坐下，Marie即刻照顧囝囝吃剛剛買的蛋糕，然後自己再和朋友吃東西和聊天。不過，Arthur食完又再坐唔定，拖着外傭姐姐走到欄杆邊四圍望，後來還撇低媽媽，到樓下大堂，看商場佈置嘅聖誕裝飾，但他邊行邊跳跳紮，令外傭姐姐要又拖又拉。

食完嘢，坐唔定的Arhur即扭工人姐姐帶佢行去欄杆邊睇風景。（《東周刊》圖片）

落到大堂，Arthur猶如一隻甩繩馬騮通處跑，工人姐姐驚小主子整親，於是兩人就好似玩「捉伊人」咁款。（《東周刊》圖片）

更多娛樂消息，請看東周網：https://eastweek.my-magazine.me/main/entertainment