用飲管擲人都可能是普通襲擊呀......

如果顧客打翻飲料，店員有機會再為客人製作另一杯，但若遇到態度惡劣的顧客，有任職飲料店店員就堅決拒絕重新做一杯，但卻遭顧客掟飲管！

有任職飲料店店員投稿到facebook專頁「西客之道 HIspitality Secret」，指有野蠻客人打翻飲料後，要求店員再製作一杯，但態度惡劣，店員拒絕，竟遭野蠻客用擲飲管，更被斥責「你咩態度啊」！

野蠻客人打翻飲料後，要求店員再製作一杯，但態度惡劣，遭店員拒絕。網上圖片

投稿人一開始就表示非常後悔事件發生時，自己沒有反駁該名野蠻客人。他指如果客人不小心打翻飲料，店員通常都會再製作一杯給客人，但會取決於客人的態度，「但有啲客係奉旨要你出番比佢，因為佢俾咗錢，點都要拎翻啲野走。」

他在文中寫到，有一對夫婦購買奶蓋奶茶，由於奶蓋飲品的蓋子都不會密封，他已經提醒客人小心。之後他繼續工作，其後發現有人打翻了飲料，但該客人卻沒有主動告訴店員，亦沒有向店員說抱歉，「佢係整瀉咗之後冇出過聲，唔好意思又冇，又唔同我哋講佢倒瀉咗」。他上前抹乾淨，但男客人竟然在笑，並要求他重新再製作一杯飲料，遭拒絕後，男客人竟然發怒，「佢就發難渣，話咩點解冇，仲話佢係喺我哋個到倒瀉，唔係喺條街到倒瀉。」

投稿人堅持不重做一杯，更遭男客人掟飲管，「佢仲要拎支飲管掉我，係咁話：你邊X個阿頭啊？」男客人的老婆就開口指起碼要給他們一杯水，惟仍遭拒絕。此時兩人就開始斥責店員態度差，「你咩態度啊，你咁樣唔得㗎喎」。

投稿人表示，店員其後只顧工作，不理睬兩人，兩人才肯離開。投稿人直指兩名野蠻客人厚臉皮，「你倒瀉你嘅事，關喺邊度倒瀉咩事」。他強調，「依加唔係邊度倒瀉嘅問題，而係邊個倒瀉嘅問題囉，仲要搞到我哋做多咗野」。

網民紛紛留言鬧爆兩名野蠻客人的行為，有人就話店員不是奉旨要賠一杯給客人，「自己倒瀉咗，賠俾你係人情，唔賠係道理」，有人就指「好在你無啲上級係度話出過杯畀佢算」。