江若琳婚嫁鑽飾超過XXX萬 世紀婚禮7位數埋單！
日前，江若琳（Elanne）同「生煎包王子」蕭潤邦（Oscar）正式拉埋天窗！整個婚禮都非常鋪張、華麗，當日更有謝安琪、張繼聰、JW（王灝兒）等人做兄弟姊妹，而Elanne所帶嘅鑽飾戒指等合共值要7位數埋單！
原文：sunday kiss-TLY |相片：江若琳IG、新傳媒資料庫|編輯：東方新地
延伸閱讀：
蘇民峰2019豬年生肖運程（虎、兔、龍篇）
速學8個派對或約會簡單編髮 手殘女都一定做到！
8人大轎迎娶江若琳
Oscar準備8人大紅花橋迎娶江若琳，而當中嘅兄弟姊妹團總共有17人，包括張繼聰、當奴、細So、黎美言、張紋嘉、張惠雅等，而搞笑嘅係謝安琪和小肥也反串做伴郎伴娘。
新郎Oscar化身美少女戰士
接新娘時，姊妹團少不免大玩兄弟團，要佢哋著上美少女戰士衫，跟住江若琳首《Show You》嘅MV又唱又跳，而新郎Oscar戴上金色假髮，化身美少女戰士。
Oscar豪花7位數字
今次新郎Oscar豪花7位數字搞婚禮，而Elanne在婚宴上，嘅鑽飾戒指都係Oscar準備比老婆，共值超過310萬。有消息指皇冠，價值200萬；求婚戒指，價值105萬港幣。呢對求婚戒指每一枚都有專屬編碼，又要係買時簽一份「真愛協議」，承諾唯一真愛。
藝人好友參與婚禮
Oscar同Elanne曾為圈中藝人，當然人緣好嘅佢哋都有唔少圈中好友抽空出席佢兩個嘅婚禮啦！
日本白川鄉婚照
江若琳喺IG貼出同Oscar白川鄉影既婚照，相中江若琳着住低胸婚紗，完全唔怕凍，而Oscar從後抱住佢，真係甜到漏！佢重留言：「呢輯雪地相想同大家分享好耐啦！Happy些牙（Share），攝於白川鄉，多謝我嘅好姐妹。」
此外，江若琳更自爆收神秘禮物 ，但好快就否認唔係BB。
影婚照同時搵真銀
早前，江若琳已預告正忙於麵店生意及籌備婚禮事宜，仲要喺酷熱天氣之下，走勻由細到大對佢哋好有意義嘅幾個地方，佢就將部份「婚照」PO咗上IG放閃！見佢同未婚夫又攬又錫，真係羨慕死人呀！兩人影呢輯婚紗相，去嘅都係一啲對佢哋兩小口有意義嘅地方，包括西貢同深水埗等，而且輯相仲係準人妻代言嘅婚紗公司影嘅，順理成章輯相就成為廣告相啦！不過Elanne嘅新娘造型好密實，着嘅喱士婚紗，都包到上頸！唔知粉絲會唔會失望？
View this post on Instagram入行10年，拍過好幾次婚紗👰廣告，每次拍戲基本上都係要著婚紗👰，我以為我已經麻木晒，但今次終於黎真啦，望住眼前呢位人兄，佢唔係你拍廣告既拍檔，唔係你拍戲既對手，而係我人生往後幾十年最想互相折磨既最強對手！🤣U0001f91f🏻原來仍然會好感動架喎，不過當我望住佢，我腦入面不停飄黎：「點解會係你既，我地識左好耐啦喎，咁神奇既」 #大家咁認真其實好難忍 @monalisabridalhk #kerryhotel ❤️❤️💋💋☀️😆 @renecaovilla @ronny_the_fabulous
A post shared by 江若琳❣️Elanne🌸 (@elannek930) on Jun 4, 2018 at 11:12pm PDT
Elanne話，入行成10年，着婚紗拍戲影相都唔係咩新鮮事，不過今次嘅對手係自己嘅未婚夫，一個往後幾十年「最想互相折磨嘅最強對手」，一齊影相嘅時候，先感受到着婚紗嘅感動。
至於Oscar嘅表現，江若琳竟然話未來老公表現好生硬，都係俾心機打理佢嘅「生煎包王國」好過喇～
其實Oscar話哂都做過Model同歌手，對住鏡頭應該都唔會太陌生掛！
點知Elanne真係好唔客氣！話今次揀相嘅過程好順利，只要揀一啲Oscar表情自然，冇眨眼嘅就一定會中！
呢輯相係喺香港影嘅，不過佢哋都已經準備緊會再去外國影多輯，一來可以滿足佢哋兩個都鍾意去旅行，二來又可以留多啲唔同嘅相嚟做紀念。
Elanne今年30歲，Oscar就37歲，佢哋兩個都係好鍾意小朋友嘅，所以Elanne就話打算婚後就會開始造人，因為年紀都唔細喇！
江若琳和Oscar於2017年4月開始拍拖，當時都令到好多人愕然！Elanne 近年長期在內地工作，早前高調宣布重返香港樂壇，還罕有地自爆戀情，與男友Oscar在IG齊齊開心分享：「找到愛我的人！」二人07年一同入行成為樂壇新人，十年來一直保持聯絡，突然認愛令身邊好友都非常愕然！
上海定情
問蕭潤邦同江若琳拍拖時間唔算長，點解咁快認定對方？蕭潤邦答：「因為我哋識咗好耐，大家亦都唔係第一次拍拖，我覺得最緊要大家生活節奏、方向一樣。 哋係同年出道藝人，有個群組，上年我去上海交流飲食，佢喺上海拍緊戲，就約食飯，嗰次首次單對單傾偈深入好多，嗰餐飯我已經覺得我要照顧呢個女仔。我哋都有傾係咪遲咗發現對方，但我覺得每個階段都會累積一啲道理或者經驗，促使更加成長、更加珍惜。我同佢都覺得呢個時間係最好，到再返嚟香港，食多幾次飯，大家都確定真係好適合。」
View this post on Instagram我的愛情觀很簡單，認定了就是一生！謝謝他，給了我最想要的愛情，給了我想要的鑽戒@Official_darryring 一眼十年，從最好的朋友變成最親密愛人，下一眼，應該會是更美好的風景！
A post shared by 江若琳❣️Elanne🌸 (@elannek930) on May 23, 2018 at 7:56pm PDT
問佢哋鍾意大家啲咩？蕭潤邦笑言：「我入行第一次識佢，已經覺得呢個女仔好靚、好可愛，但世界上有好多女仔好靚、好可愛，唔係一見到就行動㗎嘛，開始留意吓佢唱歌，好快我冇得撈離開咗，去咗做飲食業，有次同佢喺上海食飯，傾咗好深入嘅偈，就覺得我一 定要保護呢個女仔，因為佢好純、對人好好，佢會諗咗人 哋嘅感受先，再去諗自己，我覺得好特別，食飯、去街，佢都係問你想點，到依家都係，我最愛就係佢好孝順、好乖同好識尊重人。」
View this post on Instagram天堂一樣既馬爾代夫🌞🌞 由細到大其實最恨黎呢度，但一路都未有動力同無呢個衝勁係因爲我硬係覺得呢個咁浪漫咁正地方係要同人生最愛個件黎既！講完自己個胃都反反地U0001f92e 估唔到今日實現左，係你喎蕭生！👏🏻🤝🤝恭喜恭喜 哈哈哈哈😂 #縮肚好辛苦 #123閉氣
A post shared by 江若琳❣️Elanne🌸 (@elannek930) on May 4, 2018 at 2:21am PDT
Oscar 37歲生日，江若琳特地訂造了一個巨型生煎包生日蛋糕，蛋糕上除了有一個掛有店名的生煎包檔口，仲有一個著上Oscar愛隊曼聯波衫的「生煎包人」，非常精緻！Oscar上載合照留言：「Yeah 37，多謝蘋果安排一個驚喜生日P給我！I love you！見到好多老友！」
呢頭放完閃，Oscar更緊接於同一日宣布喜訊，就係佢已經向女友江若琳求婚成功！相中見到Oscar拿著一大束花攬實女友，而江若琳就大晒左手中指上的鑽戒，掩嘴甜笑！Oscar又寫下甜爆感言，話會永遠寵壞江若琳、永遠保護佢：「以後有歌你唱，有包我煎，有包食包，有飯食飯，有福同享，有難我當！」
江若琳及Oscar回應傳媒時表示，求婚係在去年12月底發生，Oscar搵齊晒江若琳所有好朋友到場，求婚時江若琳喊到失晒控，唔講以為佢失戀！雖然拍拖未夠一年便決定結婚，不過兩人表示已經相識十年，好了解對方，同時透露希望可以今年12月舉行婚禮！
江若琳曾經覺得自己可以一輩子自己一個人，不需要任何男人。
兩日由初出道已認識，但相識接近十年不過一直都沒有單獨見過面。直至有次蕭潤邦到上海旅行，於是找長駐當地的江若琳食飯，慢慢地在10天的上海之旅便愛上了她。
一直都以為自己一輩子單身的江若琳，對蕭潤邦非常有信心。
蕭潤邦回港後，非常想念Elanne，於是便展開了追求。
延伸閱讀：
蘇民峰2019豬年生肖運程（蛇、馬、羊篇）
