露腰非夏日專利 識Mix and Match最重要
襯得啱啱就唔好好睇!
露腰裝並非夏日專利,天氣涼涼哋都可以Show一Show小蠻腰,最重要是識得Mix and Match,性感得來又不暴露。
星級Stylist Felix Wong說:「露腰裝係亞洲肥妹嘅黑星!不過外國女仔就唔怕,因為佢哋嘅審美觀唔同,當然都唔係凸曬腩肉、士啤呔出嚟啦。以前可能襯短裙、西褲,露多啲腰,近年反而興襯直筒高腰褲,見到對尖頭高踭鞋頭就最好,個人認為着老爹鞋(Dad shoes)會比較累贅。」
謝安琪:其實呢種百摺裙幾難襯,但佢襯得好好睇,整體Sporty得嚟又唔會太露,好小清新。
鄧紫棋(G.E.M.):個妝髮同對厚底鞋累事,其實依家都唔興呢款鬆糕鞋,一係襯尖頭高踭鞋,一係襯Thigh High Boots。
李幸倪(Gin Lee):大闊膊襯高腰喇叭褲好靚,用上天鵝絨亦冇咁Cheap,無論Dress up or dress down都適合,惟一係條褲太長。
宋茜:西方同亞洲人着都唔會出事,無論係條橙黃色嘅褲同Cutting都令件事好Modern。
鄭融:佢唔高,但每次都着到個比例好修長,加上佢有胸,西裝襯Bra top好穩陣,換件同色嘅Bra top就仲好睇!
倪晨曦:成個Cutting同Design好似晚裝,用嘅布料唔太啱,同埋公主袖加束臂有少少過時,嘥咗佢咁靚女。
Miley Cyrus:般見慣嘅鬼妹着法,造型冇錯但又未至於靚,好似為露而露,換件再短啲嘅Top或者Oversize洗水Tee更好。