衬得啱啱就唔好好睇！

露腰装并非夏日专利，天气凉凉哋都可以Show一Show小蛮腰，最重要是识得Mix and Match，性感得来又不暴露。

星级Stylist Felix Wong：2016年离开纸媒行业，现为艺人丶广告造型及舞台戏服担任设计工作。排名不分先后老板有陈奕迅、古天乐、Dear Jane、MIRROR及关心姸等。

星级Stylist Felix Wong说：「露腰装系亚洲肥妹嘅黑星！不过外国女仔就唔怕，因为佢哋嘅审美观唔同，当然都唔系凸晒腩肉、士啤呔出嚟啦。以前可能衬短裙、西裤，露多啲腰，近年反而兴衬直筒高腰裤，见到对尖头高踭鞋头就最好，个人认为着老爹鞋（Dad shoes）会比较累赘。」

谢安琪：其实呢种百折裙几难衬，但佢衬得好好睇，整体Sporty得嚟又唔会太露，好小清新。

谢安琪

邓紫棋（G.E.M.）：个妆发同对厚底鞋累事，其实依家都唔兴呢款松糕鞋，一系衬尖头高踭鞋，一系衬Thigh High Boots。

邓紫棋

李幸倪（Gin Lee）：大阔膊衬高腰喇叭裤好靓，用上天鹅绒亦冇咁Cheap，无论Dress up or dress down都适合，惟一系条裤太长。

李幸倪

宋茜：西方同亚洲人着都唔会出事，无论系条橙黄色嘅裤同Cutting都令件事好Modern。

宋茜

郑融：佢唔高，但每次都着到个比例好修长，加上佢有胸，西装衬Bra top好稳阵，换件同色嘅Bra top就仲好睇！

郑融

倪晨曦：成个Cutting同Design好似晚装，用嘅布料唔太啱，同埋公主袖加束臂有少少过时，嘥咗佢咁靓女。

倪晨曦

Miley Cyrus：般见惯嘅鬼妹着法，造型冇错但又未至于靓，好似为露而露，换件再短啲嘅Top或者Oversize洗水Tee更好。

Miley Cyrus