[出走到。華欣] Day 2 @ Hua Hin Brewing Company
食完個Lunch之後,就返去villa度遊返個水~ 再set埋機諗住響個池度影返個合照
響個池邊SET好機,按左十秒制... 跳落水...
果然係唔夠時間... =.= 仲要俾人話我遊得慢... 咁你黎囉
你咪又係咁~~~~ 無聊完一輪之後,黃昏時候又係時間出城
入到城,就直衝去做個massage先!
俾人拗完百二分鐘之後,個肚已經十分餓~ 又九秒九衝去食晚飯~
今晚去brewing company 食炭燒~
點左個牛肉
同埋stone lobster
唔夠飽再叫個fish n' chips送酒
食飽飽又係時候返酒店訓覺覺~
返到酒店,行返入房時,抬頭想睇下有冇星星~
"咦... 咁光o既! 飛機??"
"流星?!"
"嗯?!!!"
無錯~ 見到個發光物體.. 向下飛完再向上飛,然後再向下飛... 之後就消失左...
你地話係咪好明顯係UFO呢~~~~~~~~!!!
哈生睇唔到呢個情景,仲話我係見到螢火蟲.........
我睇完呢個情景,沖涼時就好擔心我會"咚"一聲俾UFO吸走,或者行返出房發覺哈生唔見左,俾UFO吸走左...
然後我就問哈生..
"如果我俾UFO吸走左.. 你會點呀?"
"咁我都無辦法架.. 佢咚一聲吸走左你... 跟住跌返隻乳牛落黎... 我都無野做到架喎.."
".........."