【別太鞭屍】拍檔陸浩明錯講香港是沙士源頭麥明詩發聲助解圍

陸浩明（6號）日前於TVB節目《後生仔傾吓偈》內，錯講香港是2003年沙士的病毒源頭，引起網民不滿而遭圍剿！雖然6號多次在網上發文認錯，但仍然未平息網民怒火。拍檔麥明詩日前再度開腔助6號解圍，呼籲大家「別太鞭屍」：「希望大家可以把槍口對准啱嘅位置」。

麥明詩又坦言發聲對自己沒有好處，但現在她比較少顧慮，所以忍不住為事件講多句。麥明詩今次已是第二次為6號發聲：「有幾次我同fyy（馮盈盈）出大show出錯佢都幫我地（哋）補獲（鑊）carry我地（哋）」。麥明詩希望網民能將槍口對準問題所在：「佢係錯，而我之前未睇清楚段片就評論咗都係錯，節目組冇修正係錯，但希望大家關注咗呢件事之後，可以將關注放喺啲真係黑心、不道德、埋沒良知嘅人上面。謝謝」

From:微博/陸浩明6ho

From:微博/港劇辣評社

毛毛蟲0213：【On.cc】【沙士源頭係香港】陸浩明講錯嘢連環道歉

網民情緒好激動！

Advertisement
無綫J2台節目《#後生仔傾嚇偈》一向多人睇，皆因一班年輕人圍埋講嘢有話題夠爆，當中馮盈盈出名唔留口，成日都會變為網民熱話，尋日播出嗰一集，一句「香港係沙士病毒嘅源頭」喺網上引起極大回響，不過今次唔係馮盈盈出事，竟然係一向穩陣嘅陸浩明！
講番少少資料，沙士（「SARS」嚴重急性呼吸道症候群）最早喺2003年於廣東省發現，由旅遊、商貿、移民迅速擴散到香港，最終香港有數百宗死亡個案。當時陸浩明講錯呢一句「因為嗰時香港係病毒源頭」之後，身邊嘅馮盈盈已經即時澄清，不過網民唔接受喺各大討論區等開Po怒插陸浩明，話佢成40歲人親身經歷過點會講錯？有人指出錄影節目為何不在播出前先刪改，似有「戙」陸浩明嘅嫌疑。亦有網民認為人誰無錯？清談節目失言都係好正常事，相信係咁無綫先冇刪到呢一part！
事件愈演愈烈，於凌晨時段陸浩明喺IG先後出兩個Po道歉：「再一次，同大家講聲唔好意思，對唔住！因為一時疏忽，口快過腦，喺節目講錯咗重要資訊，但當時掉以輕心，冇即時糾正令大家誤會，真係對唔住。之後如果小弟要提及重要資訊會更加小心！小心！小心！」雖然係咁，但係群情仍然洶湧，睇嚟呢件事都唔會咁快平息。 -- 毛毛蟲0213

From:微博/毛毛蟲0213