張繼聰與余安安於電影《Baby復仇記》首次合作，戲中扮演陪月界KOL的張繼聰，獲得余安安重金禮聘監控飾演其新抱的陳靜飲食作息，當中有不少爆笑情節。

文：鄺芷瑩 圖：錢文坤

扮演陪月界KOL的張繼聰，表示演接拍該片後跟導演分享對陪月員的睇法。皆因幼女剛出世時也有聘請陪月員，令他有很深印象，感覺做陪月員很偉大！

「我覺得陪月員在心目中的排行榜跟醫生差不多，因為拯救了一個家庭。當跟導演傾談後，她有將好多嘢加入去劇本。」

戲中的張繼聰不時提點快將成為人父的朱鑑然，為快將降臨的BB作好準備。張繼聰笑言睇見對方演繹的角色，令他也想起當年的自己：「當年太太懷着大仔時『穿羊水』，是我揸車去醫院，仲記得在studio做完工作已經凌晨，返到屋企仲好肚餓！打算煮個麵時老婆話『穿羊水』，於是抱她落樓去揸車，點知其他車頂住晒！想撞開人哋啲車，真係好似痴咗綫咁！」

為安胎瞓牀3個月

育有兩個女兒的余安安，表示以前的年代大多長於大家庭的人才會聘請陪月員，所以懷孕時也是請教媽媽的心得和照顧自己。安安又指當年懷有長女時不太穩定，醫生要求她瞓牀休息3個月，更大呻好慘：「當時只瞓在牀，做任何事也在牀上，除了去洗手間，連去小便也不敢用力，依家講出來會笑，但當時好憂心！捱過3個月後，醫生話較為穩定，不過我到6個月先至敢好自在行來行去。幼女在農曆年初三出世，是早產嬰兒，初二返娘家吃飯狂吃，媽媽仲叫我咪再食，唔係食到生出來，結果真係夜晚就作動啦！」

開通外母唔催生

雖然安安現實中已榮升做外母，但她笑言思想開通不會似戲中的角色恨抱孫。她笑指長女和女婿都很喜歡小朋友，但女婿較為心急想做爸爸，反而自己覺得最重要他們心理上已作好準備為人父母。「我都會分享好多將來會面對那些事情，但演出完這部戲覺得很好，因為拍出來可以呈現兩夫妻所遇到生小孩的困擾同憂心，所以我一定會叫女兒入場睇。」

化妝： littlewhite_makeup （余安安）、PinkyKu（張繼聰）

髮型： Kelvin Koo hair_salon_hk、Jobbylee@Leighton Aveda

服裝： marinarinaldi #prnetworkhk、@marinarinaldiofficial、Issey Miyaki

場地：九龍貝爾特酒店

■余安安與張繼聰因戲結緣，更大談兒女經。

■余安安長女已結婚，但開通的她並未有催女兒和女婿生B。

■安安當年生育兩名愛女時，各有驚險！

■在戲中扮演陪月界KOL的張繼聰，深感陪月員超偉大！

■張繼聰與謝安琪育有一子一女，育兒經驗豐富。

娛樂