【深宫计】变身太平公主过程曝光｜陈炜 自己动手画花钿
无线重头剧《宫心计2深宫计》正在热播，剧中个个女角造型都非常华丽，尤其系饰演「太平公主」嘅陈炜，古装造型更充满霸气，气势力压众多妃嫔，而呢啲妆容同发型背后需要花嘅心机同时间绝对唔少，无线早前就喺其See See TVB嘅专页公开陈炜嘅「太平公主育成记」，由炜哥亲身上阵，畀大家睇吓佢变身「太平公主」嘅过程！
撰文：东方新地｜图片：See See TVB截图、陈炜IG
延伸阅读：
《深宫计》宫女李美慧 被爆大肚赶嫁富商｜继女环保送BB衫
木村拓哉细女正式出道做模特儿 15岁身高170气场强大 完美遗传父母靓样！
陈炜用尽每分每秒
拍古装辛苦个个都知，古装发型由戴头套开始，到化好成个妆，真系好考功夫，为咗节省时间，陈炜喺化妆过程中事事亲力亲为，由零开始化妆set头，包括画眼线、搽眼影、补胭脂、印花钿等都有自己亲自动手！期间炜哥仲偷鸡摄埋时间医肚，真正用尽每分每秒！
喺化妆师帮炜哥黐头套之时，炜哥善用时间，几乎自己动手化晒成个妆。
炜哥自己动手搽眼影，仲画埋花钿！
搽唇彩、补画发线，炜哥尽力将自己妆容执到最靓。
Set头之时，炜哥仲摄埋时间食个lunch，为免整花个妆，炜哥全程都食得小心翼翼。
喺努力节省时间下，炜哥透露由化妆、整头兼食埋个lunch，都只系用咗个半钟。
炜哥话成套剧大约拍咗四个几月，最初佢顶住个超高嘅发型真系觉得好攰，因为高度限制连普通车都坐唔到，就算想饮啖水都唔容易！
佢又介绍佢个妆最大特色系堂眉同个花钿，仲有个发型上嘅美人啄，令到佢整体造型都充满霸气！
变身「太平公主」有片睇：
拍《深宫计》 冇得拆髻
陈炜仲曾经狂呻拍《深宫计》好辛苦：「临尾有日我冇嘢入到脑，好想放弃，最高纪录系几日冇拆髻，因为想争取两粒钟瞓觉。」
我又顶住个髻出发啦！#宫心计2深宫计 #catwalk show！💃🏻💃🏻💃🏻
Alicechanwai（@alicechanwai）分享的贴文 于 PDT 2018 年 5月 月 16 日 下午 7:59 张贴
Alicechanwai（@alicechanwai）分享的贴文 于 PDT 2018 年 5月 月 17 日 上午 1:52 张贴
陈炜下场系⋯
无线重头剧《宫心计2之深宫计》以唐朝为背景，故事从唐玄宗（马浚伟饰）平定韦后（米雪饰）之乱开始，涵盖「唐隆之变」及「先天之变」两个唐朝历史事件。
陈炜 掌掴三司
陈炜同马浚伟争权位斗过你死我活，陈炜对胡定欣仲毫不客气想掴佢，据知炜哥之后仲会掌掴张慧仪、罗霖、康华呢三司㖭！
「太平公主」野心好大，对住阿哥「李旦」李龙基好会演戏，但又暗中指使司膳在李隆基饮食下毒⋯⋯
喺无线嘅超长预告片中，曾伟权会被押去刑场斩头，陈炜想赶去刑场，可惜嚟唔切⋯⋯
陈炜在灵堂上话一定要为死去嘅驸马报仇⋯⋯
陈炜起兵夺权，但最终被马浚伟、马国明、萧正楠先发制人控制大局！
历史上 太平公主被赐死
从无线的预告片所见，炜哥吐血死，应该系被赐毒酒⋯⋯
睇番历史，太平公主见党羽被诛杀殆尽，不得不逃入佛寺，三日后返回。上皇李旦出面请玄宗恕其死罪，被玄宗拒绝，太平公主最终被赐死家中，其夫武攸暨坟墓也被铲平。
其实睇番炜哥自亚视执笠后，喺无线剧拍过唔少剧集都好收得，而且网友对佢评价好高，又大赞佢保养得宜超级索！喺《果栏中的江湖大嫂》有成班女演员包括岑丽香、冯盈盈和江嘉敏等，当大家以为上述年轻貌美的小花会成为焦点时，其实44岁女主角「炜哥」陈炜先至系赢尽掌声𠮶个！陈炜在剧中饰演一个过气的功利小女星，但是在庆生时发现老公外遇，之后回到香港生活，更成为了一个果栏的栏主。
陈炜 96年亚姐冠军
入行22年的陈炜，96年未毕业便决定参选亚洲小姐，更勇夺冠军！之后成为亚视艺员，拍了超过廿部电视剧，当中《我和僵尸有个约会》同扮梅艳芳的《美丽传说2星愿》都非常经典。
唔讲唔知，陈炜原来都做过「晶女郎」，06年拍电影《提防老千》更与王晶有超火辣场面！
2012年过档TVB初期，陈炜继续行性感，即使唔系做女一都搏到尽，倒奶绝对系家常便饭！
效果都相当震撼！
陈炜那些年喷血写真
陈炜2001年的写真照，大家又睇过未？
炜哥2008年同台湾商人颜志行结婚，早年炜哥更跟老公移居泰国、台湾时，不时公开晒恩爱。但呢啲恩爱画面都已经成过去⋯⋯
因为陈炜承认早在复出拍剧时，经已与老公离婚，直到依家已经离婚6年。不过炜哥就话只系两人感情出现问题，与第三者无关。
其实单身又有咩好惊呢？44岁炜哥keep得咁好，人靓身材正，唔愁冇第二春啦！
《宫心计2》女星激多 边个古装look最索？
【深宫计】筹百万医药费｜张慧仪独力抚养患病养子
【深宫计】童年遭街童欺凌4年 坚强张文慈 靠信仰走出阴霾
马浚伟剧透《深宫计》角色：绝对唔系正义L！
【深宫计】罗霖演冻龄大宫女 狂呻拍通顶挨到残
马浚伟入行25年：直觉唔会攞视帝
马浚伟谈感情状况：结婚唔会隐瞒！
《深宫计》孭重飞｜胡定欣苦等14年 终成两届视后
延伸阅读：
点止雷庄𠒇一个？ 唔留恋娱乐圈港姐冠军仲有佢哋！
