譚小環數年前由前港姐稱號，搖身一變成為「魚蛋皇后」，事關三年前，譚小環獲老公蔡強榮(Eric)打本過百萬，在銅鑼灣開「渣哥」賣魚蛋，及至前年和去年再擴張業務，先後喺尖沙嘴、鰂魚涌同旺角再開分店。

不過去年才開業的旺角，原來近日已結業，壽命只得9個月，譚小環直言租太貴係主要「死因」⋯

撰文：東方新地｜圖片：渣哥Facebook、譚小環Facebook

旺角「渣哥」開業9個月結業！譚小環慨歎租貴係「死因」

小環接受傳媒訪問時透露，數間「渣哥」都是自己舖，只有去年才開張的旺角店是「加盟店」，該店是由數個年輕人付數十萬作為加盟費，去年底才開業，而「渣哥」就提供一定的服務。在小環的個人Facebook專頁就上載相片，她曾為該加盟店做宣傳。

之不過雖然冬天生意好，但一到咗夏天生意冇預期中好，加上該店租金貴，而加盟店的東主冇耐性守業，最後在打和情況下選擇結業離場。雖然加盟店同「渣哥」簽了兩年合約，本應要每月繼續交加盟費用，但小環決定唔收佢哋錢。

生意有前景，更引來唔少人想同「渣哥」合作做加盟店，小環都對旺角首間加盟店執笠感到相當可惜！

小環在14年決定轉行賣魚蛋，日做八粒鐘，唔介意被叫魚蛋妹，三年辛苦經營賣魚蛋終於捱出頭，大家以為小環這個老闆娘可以唔使做只係收錢，但她堅持事事親力親為。

旺角「渣哥」開業9個月結業！譚小環慨歎租貴係「死因」