有時大家真的要互相體諒！

地盤工人每日都要出入工地工作，少不免會沾有泥沙。有的士司機在網上分享了一張相片，指自己接載地盤工人後，對方弄糟了車上的地氈，並斥「係你嘅行為令到人哋歧視工人」，引來不少網民的熱烈討論。

資料圖片

的士司機分享的照片中，可以看到的士內的後座地氈，沾滿了泥沙鞋印。他更指，「唔係因為你係工人所以歧視你， 而係你嘅行為令到人哋歧視工人！」樓主更指，自己曾駕駛工程車多年，以前的工人放工都會換上乾淨的衣服和鞋，乘坐交通工具時，不會影響到他人，「幾時香港變到咁樣都覺得冇所謂？」

網上圖片

他更加補充，指地盤工落車後，有婦人截車，誰料上車後便批評的士污糟邋遢。他反問網民應如何處理，「趕返（對方）落車走去清潔咗先？ 定係等過咗黃金時間先去處理？ 又抑或等到收工之後先再洗車？」，並指不知道甚麼時候「消費者就好似皇帝一樣， 收錢嗰個就卑躬屈膝」。

資料圖片

不少網民在帖文留言，批評的士司機斤斤計較，小事化大，「人哋又想着住對污糟鞋周街行咩」、「地盤出出入入使唔使換套西裝先呀？」，亦有網民同情司機，指如果地盤工人有講句不好意思，司機亦未必那麼憤怒。