7月來臨，除了暑假開始，亦是香港書展開鑼的日子，今屆以「科幻及推理文學」為年度主題。雖然現在大部分人都愛上網睇影片睇資料多過睇書，但逛書展仍然是7月的指定活動，因為除了閱讀，仲有其他展覽、講座及活動；而重點是，逛書展可以掃平貨，滿足購物慾！編輯部為大家列出以下10大書展攻略，既慳錢又慳時間，記得入場前mark低！

10大書展攻略

攻略 1：預購門票免排長龍、用Alipay有優惠

每年書展都要排長龍買飛入場，其實你可以預先去指定7-Eleven便利店、OK便利店、快達票售票網預先買票。有門票的人可以排另一條隊，更快入場。如果帶小朋友去的話，記得由會展港灣道入口處左側的兒童天地特別通道進入，可以直達展覽廳！

另外，今年可以用AlipayHK 應用程式購買書展電子門票，每張電子門票可享$5折扣優惠，由即日起至7月23日。

攻略 2：想慳錢要早入場

去書展慳錢的第一步，就是選擇上午12時前進場。上午場的票價是$10，比正價$25平一半有多！而且上午的人流較少，睇書、揀書更舒服。留意「早鳥門票」只限即場發售，不設離場時限，可逗留至閉館。

攻略 3：買一票去兩次

通常去書展掃平書的人，會在第一、二日去逛逛兼揀定心水書，留待最後一日掃減價貨。咁就要留意一票兩入的方法。凡以正價購買7月17或18日香港書展門票人士，憑完整票尾可於7月19、20或21日(星期五、六、日)下午5時後免費進場一次。怕去一次買唔晒心頭好？去兩次更抵！

攻略 4：書展訂閱雜誌的推廣禮品

除了買書有優惠，如果你愛閱讀雜誌及報章就要注意，各大傳媒機構都會擺放攤位，供讀者訂閱，更會附送禮品，比平日豐富得多。例如去南華傳媒攤位，訂閱《旭茉JESSICA》就有低至半價的優惠，每日更會送出不同禮品，包括Dysan、Shiseido、Lancôme、Giorgio Armani Beauty、Amika等等。

《旭茉JESSICA》攤位﹕Hall 1B - D16

攻略 5：用PayMe、AlipayHK 有優惠

去書展買書除了付現金、碌信用卡同八達通之外，今年掃書更方便！今屆書展首次可以用PayMe畀錢，留意貼有PayMe標誌嘅參與商戶，買書買文具就更方便。而且用PayMe會有精彩優惠，詳細有待官方公布，記得出發前下載PayMe應用程式，盡享場內優惠。

另外，於書展期間，凡於參展商攤位以AlipayHK 成功付款，即可參加AlipayHK和Payment Asia推出的【一「掃」貨．隨時中】大抽獎，最高可獲$10,000旅遊禮券，同場加推AlipayHK專屬禮遇。

攻略 6：預印優惠券

門票要買定，優惠券同樣要印定！書展的官方網頁 http://hkbookfair.hktdc.com/tc/Others/Print-Coupon.html 有多間參展商的優惠券，所謂慳得一蚊得一蚊，記得入場前準備好。

攻略 7：免費去埋香港運動消閒博覽

香港運動消閒博覽踏入第三屆，拎住書展門票可以同時去埋！舉辦日期跟書展一樣(7月17至23日)，今屆香港運動消閒博覽設有10個展區，分別是「日本館」、「棋樂無窮」、「樂遊天地」、「攝影世界」、「戶外體驗」、「運動大本營」、「健康‧健身」、「手作市集」及新展區「STEM創科世界」和「台灣館」。大家可按不同喜好到相關展區參觀，選購產品，部份展商更提供試玩及活動體驗。今屆更加強STEM學習元素，為市民提供適合一家大小、男女老幼一同參與的暑期活動。

攻略 8：睇書以外的節目

除了買書，每年書展都有多間文具商參展，推出新文具和購物優惠，無論學生、OL和一眾文青都like！

另外，今年以「科幻及推理文學」為年度主題，介紹一系列優秀的科幻及推理文學作品，結合科學、奇幻、懸疑等元素，用文字建構出疑真疑幻、幻夢成真的世界，引領讀者穿越無限時空。場內設有「文遊四度空間」專區，配合年度主題「科幻及推理文學」，介紹9位香港科幻及推理文學作家，包括杜漸、倪匡、黃易、李偉才、梁科慶、譚劍、徐焯賢、陳浩基及厲河。多位殿堂級作家及於國際間獲得關注的後起之秀，出席「年度主題：科幻及推理文學」講座系列，與書迷近距離交流，分享創作背後的故事，以及香港早期科幻小說的發展。

更多詳情：http://hkbookfair.hktdc.com/tc/Events/Event-Schedule.html#

另外還有「三十連綿書展情」專區，是為慶祝香港書展踏入第30屆而設，展示歷屆書展的珍貴照片、印刷品及紀念品等，與廣大讀者共同見證香港書展的歷年變遷。

更多詳情：http://hkbookfair.hktdc.com/tc/About-Book-Fair/Art-Gallery.html

攻略 9：自備購物袋慳膠袋徵費

大家去書展點都會買嘢，為慳錢及支持環保，記得自備購物袋、背囊、手拉車，避免書商收取膠袋徵費。如果真係買好多書，可使用香港郵政在現場提供的書籍速遞服務，有專人送去你屋企。

攻略 10：最後一日搏殺

想瘋狂買書，都要挑選適當時機！大部分書商攤檔都會於最後一日割價促銷，如果你想掃的書不是限量版，大可以忍住手，最後一日才狂掃！提提大家，不是每個書檔都接受信用卡付款，記得帶足夠現金、增值八達通，又或用AlipayHK 、PayMe應用程式付款。事前睇定平面圖，就可以快、狠、準地買到心頭好。

第30屆香港書展

日期︰2018年7月17至23日 (星期三至星期二)

地點︰香港灣仔博覽道一號「香港會議展覽中心」

時間︰上午10時至晚上10時 (部分日子至午夜12時)

票價︰成人票 HK$25、小童票 HK$10 (3歲或以下小童及65歲或以上長者免費進場)

Photo：網絡圖片