到發生慘劇先後悔就太遲......

以單車代步，應注意交通安全。昨日（12日）網上廣傳一段車Cam片段，可見有學生哥踩單車上學時，疑未有留意車輛便衝出馬路，幸司機及時煞車，未有肇禍，學生哥其後亦若無其事地駛開。不少網民都直指學生險連累司機，亦有人慶幸司機反應快，「救返個學生一命」。

學生突然衝出馬硌。影片截圖

有網民昨在facebook群組「馬路的事討論區」上載一段車Cam片段，可見一名學生在上水石湖墟街市附近一條小路，踩着單車過馬路到對面，當時其身旁已有一架貨Van停在路口，準備駛出，但學生則無意停下，而且沒有留意馬路車輛便踩出路口，結果當時一架車輛駛至，險將學生撞到，幸司機及時煞停。學生哥則踩上行人路，再等候過馬路。

司機及時煞車。影片截圖

片段其後在多個fb群組廣傳，有網民留言稱，險與學生單車相撞的車輛是其女兒乘搭的校巴，並引述女兒稱，當時「幾乎撞到人呀，仲話因為司機哥哥要煞車，校車部分學生呢，就撞咗去前面個椅背添呀。好彩冇咩大礙」。

學生若無其事踩單車到安全島。影片截圖

網民都大讚司機反應快，及時煞車，「避過一場交通意外！唔該呢位學生出車望清楚，因為有乜事單車一定蝕底，還要連累個司機！」、「好在香港仲有個咁好嘅駕駛人士」。另有不少網民批評學生「過馬路直出望都唔洗望」、「隔離就是安全島，兩步都到啦，為何快得0.00001秒都咁危險過呀」、「學可以唔返， 命得一條」。有人則慨嘆部分成年人亦一樣，「唔好話小朋友過馬路唔睇車，根本好多大人一樣係咁，完全無望有無車就自己有自己行，砵佢仲要惡過你」，認為「單車都要考牌」。

學生哥踩着單車從小路駛出，但沒有留意馬路車輛。影片截圖