Gin Lee為全新國語碟拍MV 戲癮大爆發望嘗試演戲
雙線發展!
Gin Lee(李幸倪)09年發行首張華語專輯《ONE & ONLY》後,相隔10年最近再推出全新華語專輯《浮世繪》。唱了廣東歌多時,她坦言最初錄音並不習慣,幸好在北京及臺灣錄音,氣氛更易投入。而今次不少MV在臺灣拍攝,雖然辛苦但拍得好靚,更令她戲癮大發,希望未來能嘗試演戲。
今次新碟,Gin由唱片封套設計到音樂上的製作都有份參與,花了很多心機和時間,但最初再錄國語歌她確實有點不慣,「近呢10年都係唱廣東歌為主,最初真係唔多慣,好彩喺北京同臺灣錄音,周圍嘅氣氛令我容易投入好多,發音咬字都順好多。」
Gin坦承這10年成熟了不少,再出碟的時機剛好,而新碟歌曲亦有好多不同風格作品,「譬如復古味道嘅《孤獨門口》、美式電子流行嘅《以愛情的罪名》、及R&B嘅《餓》等。」另外亦集合兩岸三地音樂人,計有與臺灣嘻哈歌手BCW合唱R&B對唱情歌《Goodnight》及內地歌手陳梓童女女合唱的《U&I》。
今次MV主要在臺灣拍攝,雖然試過連拍24小時,但Gin覺得效果好靚,辛苦也值得,更引發她的戲癮,「MV演咗好多個唔同角色,自己都想試下演戲。(想演咩角色?)我覺得自己動作戲,或者搞笑都可以。」Gin又表示今次出國語碟只是個開始,未來希望同廣東碟一樣keep住出,可以衝出亞洲去世界更多地方舉行巡唱。