38【閩南語歌歌詞】正字歌詞附註音--第38組
分組曲目:
371/《十七歲彼一工》邵大倫
372/《展翼仔》劉婉瀅
373/《你轉來的彼一暝》邵大倫
374/《憂愁》小安(陳信安)
375/《爛田準路》蔡秋鳳
376/《半醉人生》蔡秋鳳
377/《老城門》謝銘祐
378/《若是有你佇我的性命》
379/《麻雀歌》鄭進一/澎恰恰/許效舜
380/《浪子的心情》葉啟田
總曲目請見→ 閩南語歌,附帶逐字注音歌詞之總曲目
若有任何問題,也煩請集中在總曲目處提出。謝謝!
---
371/《十七歲彼一工》Tsa?p-tshit Huè Hit Tsi?t Kang
邵大倫Siō Tāi-l?n
--------------------------------------
每一工我攏選擇這條路
muí tsi?t kang guá lóng suán-ti?k tsit tiau lōo
嘛向望佇未來有你相照顧
mā ?g-bāng tī bī-lai ū lí sio tsiàu-kòo
偷偷來佮意你
thau-thau lai kah-ì lí
是著抑是毋著
sī tio?h ia?h-sī m? tio?h
公車牌前畫著夢想的地圖
kong-tshia-pai ts?ng uē tio?h bāng-sióng ê tē-t?o
你的出現予阮逐家攏變痟豬哥
lí ê tshut-hiān hōo gún ta?k-ke lóng piàn siáu-ti-ko
因為你的長頭毛
in-uī lí ê tn?g thau-moo
予所有的人攏神魂顛倒
hōo sóo-ū ê lang lóng s?n-h?n tian-tò
哈~十七歲彼一工
ha~ tsa?p-tshit huè hit tsi?t kang
只想欲知影
tsí siūnn-beh tsai-iánn
你是蹛佗一巷
lí sī tuà tó tsi?t hāng
哈~十七歲彼一工
ha~ tsa?p-tshit huè hit tsi?t kang
面紅紅 (心頭亂)
bīn ang-ang (sim-thau luān)
哈~十七歲彼一工
ha~ tsa?p-tshit huè hit tsi?t kang
雄雄來看著
hi?ng-hi?ng lai khuànn tio?h
你的身邊 哪加一個人
lí ê sin-pinn, ná ke tsi?t-ê lang
(十七歲這工,笑家己頭殼破一空)
(tsa?p-tshit huè tsit kang, tshiò ka-kī thau-khak phuà tsi?t khang)
啊~哈~ 轉來去食燒肉粽
ah~ha~ tńg lai-khì tsia?h sio bah-tsàng
無彩我一直四界去探聽
b?-tshái guá it-ti?t sì-kè khì thàm-thiann
你愛聽啥物人的歌
lí ài thiann siánn-mih lang ê kua
愛看啥電影
ài khuànn siánn tiān-iánn
因為對你空思戀
in-uī tuì lí khang su-luan
才會予家己來捶心肝
tsiah-ē hōo ka-kī lai tu?-sim-kuann
--------------------------------------------------
→ https://www.youtube.com/watch?v=KdCzU7MbM_o
=================================
372/《展翼仔》Tián Si?t-á
劉婉瀅Lau Uán-?ng
---------------------------------------
攑頭雙手伸直直
gia?h-thau siang-tshiú tshun ti?t-ti?t
聽路邊的風吹過去
thiann lōo-pinn ê hong tshue--kuè-khì
親像將翼仔展開開
tshin-tshiūnn tsiong si?t-á tián khui-khui
二月天我嘛毋驚身軀冷吱吱
jī-gue?h thinn guá mā m?-kiann sin-khu líng-ki-ki
精彩的人生
tsing-tshái ê j?n-sing
等我開始
tán guá khai-sí
袂停的時鐘
buē th?ng ê s?-tsing
鼓勵我向前去
kóo-lē guá hiòng-tsian khì
展翼仔
tián si?t-á
我想欲飛
guá siūnn-beh pue
決定一個目標
kuat-tīng tsi?t-ê bo?k-phiau
就莫懷疑
tsiū mài huai-g?
一直到未來
it-ti?t kàu bī-lai
無論飛到佗位
b?-lūn pue kàu tó-uī
希望天頂的雲鬥相共
hi-bāng thinn-tíng ê h?n tàu-sann-kāng
報阮厝內的平安
pò gún tshù-lāi ê p?ng-an
展翼仔
tián si?t-á
我想欲飛
guá siūnn-beh pue
看著日出日落
khuànn tio?h ji?t-tshut ji?t-lo?h
上媠的時
siōng suí ê s?
一粒山過去
tsi?t lia?p suann--kuè-khì
猶有一個都市
iáu-ū tsi?t-ê too-tshī
等到我停落來
tán-kàu guá th?ng lo?h-lai
敢有阮心內彼片天
kám ū gún sim-lāi hit phìnn thinn
-------------------------------------------
→ https://www.youtube.com/watch?v=IL8nI8qrP7I
====================================
373/《你轉來的彼一暝》Lí Tńg-lai ê Hit Tsi?t M?
邵大倫Siō Tāi-l?n
--------------------------------------------
你講你毋是故意
lí kóng lí m?-sī kòo-ì
予我食袂落 睏袂去
hōo guá tsia?h buē lo?h, khùn buē khì
因為糊塗一時
in-uī h?o-t?o tsi?t-s?
自作聰明
tsū tsok tshong-b?ng
愛原諒你的不得已
ài guan-liōng lí ê put-tik-í
你講欲彌補過去
lí kóng beh mí-póo kuè-khì
想欲閣重新開始
siūnn-beh koh ti?ng-sin khai-sí
但是一旦
tān-sī it-tàn
若我講願意
nā guá kóng guān-ì
就閣愛習慣
tiō koh ài si?p-kuàn
醉生夢死
tsuì-sing bāng-sí
你轉來的彼一暝
lí tńg-lai ê hit tsi?t m?
我親像狗蟻
guá tshin-tshiūnn káu-hiā
貪戀你的甜
tham-luan lí ê tinn
將我的身軀
tsiong guá ê sin-khu
我的靈魂
guá ê l?ng-h?n
交予愛恨
kau hōo ài hūn
一再纏綿
it-tsài t?nn-m?
你轉來的彼一暝
lí tńg-lai ê hit tsi?t m?
你已經無愛
lí í-king b?-ài
只是因為空虛
tsí-sī in-uī khang-hi
我知影日頭
guá tsai-iánn ji?t-thau
猶未精神
iáu-buē tsing-s?n
你已經無佇阮身邊
lí í-king b? tī gún sin-pinn
(你已經離開阮身邊)
(lí í-king lī-khui gún sin-pinn)
--------------------------------------------
→ https://www.youtube.com/watch?v=_pGkYsBAKQg
==========================================
374/《憂愁》Iu-tshi?
小安 Sió-an (陳信安Tan Sìn-an)
-----------------------------------------------
又閣睏袂去
iū-koh khùn buē-khì
猶原閣想著你
iu-guan koh siūnn tio?h lí
親像你佇我的身邊
tshin-tshiūnn lí tī guá ê sin-pinn
情願毋捌你
ts?ng-guān m?-bat lí
予兩人的代誌
hōo nn?g-lang ê tāi-tsì
隨一切漸漸的過去
su? it-tshè tsiām-tsiām ê kuè-khì
想著當初時
siūnn tio?h tong-tshoo-s?
你牽著我的手
lí khan tio?h guá ê tshiú
講永遠袂放袂記
kóng íng-uán buē pàng-buē-kì
就是放袂去
tiō-sī pàng buē khì
來予你留佇阮的心
lai hōo-lí lau tī gún ê sim
每日相見
muí-ji?t siong-kìnn
為你傷害自己
uī lí siong-hāi tsū-kí
若毋為著你
nā m? uī-tio?h lí
我哪會遮爾憂愁
guá ná ē tsiah-nī iu-tshi?
來予人看袂起
lai hōo-lang khuànn-buē-khí
來為你睏袂去
lai uī lí khùn buē-khì
若毋是因為你
nā-m?-sī in-uī lí
我早就放咧予去
guá tsá tiō pàng leh hōo khì
因為你毋值我
in-uī lí m?-ta?t guá
將燒酒啉落去
tsiong sio-tsiú lim--lueh-khì
我想袂開
guá siūnn buē-khui
我愛著你
guá ài tio?h lí
----------------------------------------
→https://www.youtube.com/watch?v=1AWX7buDZ-U
===============================================
375/《爛田準路》Nuā-Tshan Tsún Lōo
蔡秋鳳Tshuà Tshiu-hōng
----------------------------------------------------
一時糊塗
tsi?t-s? h?o-t?o
全盤錯誤
tsuan-puann tshò-gōo
爛田準路
nuā-tshan tsún lōo
行甲遮艱苦
kiann kah tsiah kan-khóo
反悔當初
huán-hué tong-tshoo
遮爾糊塗
tsiah-nī h?o-t?o
分袂清
hun buē tshing
是熊是虎
sī h?m sī hóo
酒啊酒 酒啊上好
tsiú--ah tsiú, tsiú--ah siōng-hó
鬱卒來心齊慒
ut-tsut lai sim tsiau tso
明天欲如何
b?ng-thian bueh j?-h?
那行是那煩惱
ná kiann sī ná huan-ló
那通放我一錯再錯
ná thang pàng guá it-tshò tsài-tshò
彼條的哭調仔囉
hit tiau ê khàu-tiāu-á--loh
才來唱??迌
tsiah lai tshiùnn tshit-th?
----------------------------------------
→ https://www.youtube.com/watch?v=9NUPtxLPQc8
===============================================
376/《半醉人生》Puànn Tsuì J?n-sing
蔡秋鳳Tshuà Tshiu-hōng
-----------------------------------------------
獨身行
to?k-sin kiann
孤單影
koo-tuann iánn
盤千山
puann tshian-san
過萬嶺
kuè bān-niá
感情路
kám-ts?ng lōo
有風有雨
ū hong ū hōo
人生路
j?n-sing lōo
有甘有苦
ū kam ū khóo
為前途
uī tsian-t?o
三步做兩步
sann pōo tsuè nn?g pōo
又奈何
iū nāi-h?
人在江湖
j?n tsāi kang-?o
毋驚死
m?-kiann sí
就佮伊拚
tiō kah i piànn
橫直輸贏一條命
huainn-ti?t su-iann tsi?t tiau miā
勝敗啊
sìng-pāi--ah
千古總是會留名
tshian-kóo tsóng--sī ē lau mia
毋驚死
m?-kiann sí
就佮伊拚
tiō kah i piànn
較贏閒閒拖老命
khah iann ?ng-?ng thua lāu-miā
人生啊
j?n-sing--ah
毋通空手白行
m?-thang khang-tshiú pe?h kiann
------------------------------------------
→ https://www.youtube.com/watch?v=atSwDi-b5QA
==================================
377/《老城門》Lāu Siann-mn?g
謝銘祐 Siā B?ng-iū
----------------------------------------------------------
到底幾百年
tàu-té kuí pah-n?
若感覺目一下??
ná kám-kak ba?k tsi?t-ē nih
東南西北門
tang lam sai pak mn?g
阮的名字
gún ê mia-jī
鬧熱的鑼鼓聲
lāu-jia?t ê l?-kóo siann
嘛響起流行歌
mā hiáng khí li?-h?ng-kua
踅佇阮拄才補好的厝瓦
se?h tī gún tú-tsiah póo hó ê tshù-hiā
運河慢慢流
ūn-h? bān-bān lau
流過春夏秋冬的岸
lau kuè tshun-hā tshiu-tang ê huānn
阮坐佇遮顧城
gún tsē tī tsia kòo siann
迎新又去舊
ngia-sin iū khì-kū
是好?嘛過一年
sī hó-bái mā kuè tsi?t n?
攑頭猶是十六的月較圓
gia?h-thau iáu-sī tsa?p-la?k ê ge?h khah ?nn
出入攏平安
tshut-ji?p lóng p?ng-an
是媠?好額散
sī suí bái hó-gia?h sàn
兩扇門
nn?g sìnn mn?g
拍開的未來
phah khui ê bī-lai
真遠
tsin hn?g
禿額的石敢當
thuh-hia?h ê tsio?h-kám-tong
有肉燥芳的風
ū bah-soh phang ê hong
黃昏的無尾巷
h?ng-hun ê b?-bué-hāng
恬恬無聲
tiām-tiām b?-siann
城市換新衫
siann-tshī uānn sin-sann
大樓??走稻埕
tuā-lau kheh tsáu tiū-tiann
出外的人
tshut-guā ê lang
上驚拍毋見心肝
siōng kiann phàng-kìnn sim-kuann
退色的門枋
thè-sik ê mn?g-pang
總有人又來漆紅紅
tsóng ū-lang iū lai tshat ang-ang
阮猶佇遮顧城
gún iáu tī tsia kòo siann
點啊點叮噹
tiám--ah tiám tin-tang
天公伯仔慢慢仔點
thinn-kong-peh--á bān-bān-á tiám
欲走欲留半點不由人
beh tsáu beh lau puàn-tiám put i? lang
日頭落又起
ji?t-thau lo?h iū khí
是時間的掌中戲
sī s?-kan ê tsiáng-tiong-hì
兩扇門
nn?g sìnn mn?g
再會又團圓
tsài-huē iū thuan-?nn
創治
tshòng-tī
媽祖保庇喔
Má-tsóo pó-pì--ooh
觀音媽保庇喔
Kuan-im-má pó-pì--ooh
土地公保庇喔
Thóo-tī-kong pó-pì--ooh
保庇喔
pó-pì--ooh
天上眾神保庇喔
thian-siōng tsiòng-s?n pó-pì--ooh
砲仔響上天
phàu á hiáng tshiūnn-thian
向望來年又豐年
?g-bāng la-n? iū hong-n?
歡喜就去愛
huann-hí tō khì ài
愛袂著嘛歡喜
ài buē tio?h mā huann-hí
門關門又開
mn?g kuinn, mn?g iū khui
等五更雞就啼
tán gōo-kinn ke tsiū th?
兩扇門
nn?g sìnn mn?g
一年又一年
tsi?t n? iū tsi?t n?
日子
ji?t-tsí
------------------------------------------------------
→ https://www.youtube.com/watch?v=rLO0c3UxFc4
==========================================
378/《若是有你佇我的性命》Nā-sī ū Lí Tī Guá ê Sìnn-miā
---------------------------------------------
若是有你佇我的性命
nā-sī ū lí tī guá ê sìnn-miā
我就永遠袂驚惶
guá tsiū íng-uán buē kiann-hiann
風雨遐爾大
hong-hōo hiah-nī tuā
曠野遮爾闊
khòng-iá tsiah-nī khuah
有你同在無搖掣
ū lí t?ng-tsāi b? i?-tshuah
若是有你佇我的性命
nā-sī ū lí tī guá ê sìnn-miā
我就永遠袂孤單
guá tsiū íng-uán buē koo-tuann
有你相做伴
ū lí sann-tsuè-phuānn
佮你鬥陣行
kah lí tàu-tīn kiann
充滿溫暖袂畏寒
tshiong-buán un-luán buē uì-kuann
海水會焦
hái-tsuí ē ta
石頭會爛
tsio?h-thau ē nuā
你的疼痛無變換
lí ê thiànn-thàng b? piàn-uānn
甘願為我
kam-guān uī guá
受盡拖磨
siū tsīn thua-bua
將我當做你心肝
tsiong guá tòng-tsuè lí sim-kuann
海水會焦
hái-tsuí ē ta
石頭會爛
tsio?h-thau ē nuā
你的疼痛無變換
lí ê thiànn-thàng b? piàn-uānn
恩情遮大
un-ts?ng tsiah tuā
怎樣感謝
tsuánn-iūnn kám-siā
一生佮你黏相倚
it-sing kah lí liam sio-uá
-------------------------------------------------------
→ https://www.youtube.com/watch?v=pb4wPtLL2QY
==========================================
379/《麻雀歌》Ba-tshiok Kua
鄭進一 Tēnn Tsìn-it
澎恰恰 Pōng Tshia?h Tshia?h
許效舜Khóo Hāu-sùn
---------------------------------------------
人生海海
j?n-sing hái-hái
無一定愛了解
b?-it-tīng ài liáu-kái
若講著麻雀
nā kóng tio?h ba-tshiok
著袂當凊彩
tio?h buē-tàng tshìn-tshái
有時運好
ū-s? ūn hó
有時手氣?
ū-s? tshiú-khì bái
若拄著PRO
nā tú tio?h phú-looh
連鞭著扛去埋
liam-mi tio?h kng khì tai
有人嫌底無夠大
ū-lang hiam té b?-kàu tuā
前漂後閣插
ts?ng phiau āu koh tshah
嘛有東仔環拍未煞
mā ū tang-á-khuan phah bē suah
便所走五六逝
piān-sóo tsáu gōo la?k tsuā
我是相公三跤包
guá sī siòng-kong sann kha pau
放銃閣放炮
pàng-tshìng koh pàng-phàu
跋甲戴帽仔來阮兜
pua?h kah tì-bō-á lai gún-tau
規間掠了了
kui-king lia?h liáu-liáu
麻雀欲拍
ba-tshiok beh phah
著毋通拍兩桌
tio?h m?-thang phah nn?g toh
跋輸著看破
pua?h-su tio?h khuànn-phuà
毋通想欲討
m?-thang siūnn-beh thó
問我到底拍偌濟底較好
mn?g guá tàu-té phah guā tsē té khah hó
若這號時機
nā tsit-hō s?-ki
莫輸就好
mài su tiō hó
人生海海
j?n-sing hái-hái
活久你就知
ua?h kú lí tiō tsai
若講著麻雀
nā kóng tio?h ba-tshiok
無拍會害
b? phah ē hāi
下港乎拍這個無花仔的
ē-káng--honnh phah tsit-ê b?-hue-á--ê
自摸閣無算台
tsū-bong koh b? s?g tai
未跋人就??矣
buē pua?h lang tō siān--ah
無跋閣無彩
b? pua?h koh b?-tshái
看人翁某相爭拍
khuànn-lang ang-bóo sio-tsenn phah
兩個攏滷肉
nn?g-ê lóng lóo-bah
嘛有癮甲咇咇掣
mā ū giàn kah phi?h-phi?h-tshuah
三跤嘛咧削
sann kha mā teh siah
我是規暗直直摸
guá sī kui-àm ti?t-ti?t bong
摸甲破傷風
bong kah phò-siong-hong
跋甲北仔尾吊紅中
pua?h kah pak-á-bué tiàu ang-tiong
降頂閣連莊
kàng-tíng koh lian-tsong
朋友欲好
p?ng-iú beh hó
著毋通拍仝桌
tio?h m?-thang phah kāng toh
若想欲過水
nā siūnn-beh kuè-tsuí
拐筊死好
kuāi-kiáu sí hó
問我到底拍偌久較拄好
mn?g guá tàu-té phah guā kú khah tú-hó
若照我的體格
nā tsiàu guá ê thé-keh
三雀就好
sann tshiok(tshiòng) tiō hó
三暗就好
sann àm tiō hó
莫跋上好
mài pua?h siōng-hó
---------------------------------------------
→ https://www.youtube.com/watch?v=F1EBIVNwBX4
============================================
380/《浪子的心情》Lōng-tsú ê Sim-ts?ng
葉啟田Ia?p Khé-tian
------------------------------------------------
浪子的心情
lōng-tsú ê sim-ts?ng
親像天頂閃爍的流星
tshin-tshiūnn thinn-tíng siám-sih ê li?-tshinn
浪子的運命
lōng-tsú ê ūn-miā
親像鼎底狗蟻的心理
tshin-tshiūnn tiánn-té káu-hiā ê sim-lí
我嘛是了解
guá mā sī liáu-kái
性命的意義
sìnn-miā ê ì-gī
我嘛是了解
guá mā sī liáu-kái
??迌無了時
tshit-th? b?-liáu-s?
我嘛是想欲
guá mā sī siūnn-bueh
好好來過日子
hó-hó lai kuè ji?t-tsí
我嘛是想欲
guá mā sī siūnn-bueh
我嘛是想欲
guá mā sī siūnn-bueh
重新來做起
ti?ng-sin lai tsuè khí
啥人會了解
siánn-lang ē liáu-kái
啥人來安慰
siánn-lang lai an-uì
我心內的稀微
guá sim-lāi ê hi-b?
-----------------------------------------------------
→ https://www.youtube.com/watch?v=9O6RCASDnSI
=======================================
推薦閱讀: