東京之旅2018 - Day 1銚子溫泉露天風呂篇

2018年度第一個旅程~好開心又可以去日本喇
第一次去東京好期待呀!

好中意係飛機上面望落去, 睇到平時唔會見到既景色
原來係上空望落去係咁靚架~一塊塊田好整齊咁排列, 日本既土地規劃真係好amazing

我地住既溫泉酒店係位於日本東邊銚子市既海與森別邸酒店 Umi To Mori http://ryokan-umitomori.com/tw/

上網發現左哩間溫泉酒店之後就覺得好正喇~係一見鐘情果隻
同酒店book左車係成田機場接送, 所以一落機就可以出發喇
車程一個小時多dd, 沿路可以欣賞下風景, 又見到好多風車 (哩邊真係好大風! 大風到可以風力發電@@)

去到酒店之後職員會叫你係餐廳坐低等等, 然後搵個識講英文既職員幫手check in同講解酒店設施&使用時間

間酒店有好多種房型, 有Main building & Villa, 所有客房都有私人露天浴池~真係夠哂私隱, 咁當然都會有公眾池啦
今次我地就揀左「星望」villa 幾乎係最貴既一間房 (好貴耶...仲要星期六晚入住盛惠HKD6,000左右連稅, 包一泊二食)
HKD6000 一晚抵唔抵就見仁見智啦
話哂都係結婚之後第一個旅行 (honeymoon) 就豪一次咁多啦
想平平地住main building唔住villa都得~價錢差唔多平一半 HKD3千幾蚊左右
咁同河口湖果邊既溫泉酒店價錢都相差唔遠既~

根據官網「星望」房間85平方米+露台20平方米加埋超過1,000尺!!!!
其實愈多人去share間房就愈抵起碼6個人去都得! 因為間房真係超級大!
臥室有2張床隔離間房搬開左張枱之後可以放tatami

另一邊仲有個房係睇風景同睇電視行出去露台望住個海真係好寫意既呢~~望遠少少白色果支就係犬吠埼燈塔

而哩個就係我地間房既露天溫泉喇, 對住個海浸真係爽到暈
房入面已經準備好毛巾同拖鞋俾住客出黎浸
咁岩黎果日落毛毛雨, 浸唔到好多次~蝕左><

酒店同一般日本住宅一樣浴室同洗手間係分開既~而洗頭水護髮素沐浴露洗面等等都有唔同牌子俾你揀

一泊二食*
訂房果時訂埋一泊二食, 價錢已經包左2個人既晚餐同第二朝既早餐
晚餐係好期待已久既懷石料理!!!
入到餐廳可以選擇坐獨立房, 或者係出面餐廳~黎到緊係要試下獨立房啦!
職員見我地係香港人, 就安排一個識講普通話既留學生serve我地, 好nice好有禮貌
每個座位旁邊都有張當晚既menu, 所有食物都會列哂出黎~好detail!

每樣食物都整得好有心機, 味道都唔錯食物好新鮮!

本身個餐已經有一杯仔粉紅色酒叫櫻花酒, 但係一D櫻花味都冇仲好烈酒下
既然黎到就試下其他日本酒啦~不過就另外收錢既
可能都係烈酒我就麻麻地, 中意飲酒既黎到不妨試下

食飽飽仲有甜品tim~其實係生果盤黎, 旁邊個樹淨係裝修架咋
淨係賣相已經好吸引

************************************************************************************************************************************************************************************

第二朝既早餐同前一晚既懷石料理一樣, 都係好豐富架! 名副其實既"早飯"
仲有條魚唔記得影相tim