相信最愛錫Cherry的人就是各位「車厘子軍團」成員。

顏卓靈（Cherry）早前正式成立Fan Club，並命名為「車厘子軍團」，自從有軍團粉絲撐住，令她更珍惜疼錫自己的人。

Cherry笑言：「我要叫佢哋做《車厘子軍團》，我對佢哋好有使命感同歸屬感，佢哋不計勞苦咁陪住我，之前電影謝票佢哋場場都有出現支持，仲買埋飛入戲院打氣一齊謝票，又幫其他觀眾打燈影相，連謝票燈光組都做埋，佢哋好撐住我，仲大叫我顏卓靈個名，其實我鍾意人哋嗌我全名，不過就因為工作未有正式同佢哋傾偈，我之前喺吉隆坡拍戲想起返到香港一定要搞成，好在今次真係夢想成真。」

成立Fan Club當日，Cherry送出海報給大家，席間又玩多個遊戲，她開心謂：「我好耐冇咁開心玩集體遊戲，本來佢哋想我做主持人咁，不過我都想玩埋一份，大家玩到好似小朋友咁。雖然大家未係好熟，不過透過遊戲反而可以加強溝通，而且又分享下日常小事，好希望快啲又再有聚會。」對於Fan Club比例似乎男多女少，Cherry笑說：「通常都係異性相吸嘛！其實都幾正常呀！」不過她都希望能吸納多些女粉絲呢。