呢間酒吧兼西餐廳出品都算高質，裝修陳設簡單，而場內有幾部大電視，同班朋友嚟飲嚇嘢睇波係幾好既選擇。餐廳廚師曾任職於酒店，餐廳食物水平都有一定保証。黎得呢d酒吧兼西餐廳，各位肉食控當然要試試德國鹹豬手大大隻，豬手皮脆肉嫩鹹香十足，通常佐以酸椰菜及炸粗薯角，點以蜜糖芥末醬味道更上一層椄樓，巖哂三四個朋友一同分享。店主仲會定期捐款比傳媒及支持社會運動既團體。

▲藜麥什菜沙律配草莓汁，藜麥係superfood，草莓汁都幾特別，口味微甜帶酸，好食又開胃！

▲德國鹹豬手配蜜糖芥末籽汁 （$268）鹹豬手份量都好大，皮肉分明，肉質結實而有彈性，鹹豬手豐腴，口感充實有層次，加上蜜糖芥末籽汁口感更係錦上添花，配上薯角、酸椰菜絲、洋蔥、蕃茄仔，仲有薯蓉好飽肚。

▲泰式燒原隻魷魚筒（$208）魷魚鮮味juicy十足，配埋泰式汁好惹味﹗

▲鐵板牛舌店員即場淋sauce，牛舌質感厚實，醬汁調得剛剛好。

▲南瓜蟹肉意大利飯，將南瓜蓉拌勻入飯，每一啖都有香濃嘅南瓜味口感軟綿綿，絲絲鮮味蟹肉混入意大利飯味道濃厚。

▲Mocktail Summer Fruit Tea水蜜桃口味加上酸酸甜甜既橙味。Tropical Girl就係水蜜桃加上熱情果特飲！

Cosmos Restaurant Bar

地址：尖沙咀寶勒巷27號東滙商業大廈地舖

電話：29482828

營業時間：星期一至四、日 12:00 23:00／星期五至六＆公眾假期前夕 12:00 02:00

文字來源：香港人遊香港／圖片來源：@mcpig2003、@nandmooo

這篇文章 尖沙咀酒吧：【#告急！#真香港人小店！高質酒吧出品西餐！】- Cosmos Restaurant Bar 最早出現於 香港人遊香港。