如看不到 请到Youku

歌手胡鸿钧（Hubert）去年拍剧时堕下撞伤头部休养大半年，相隔超过一年时间，推出自己有份创作的新歌《没身份妒忌》，直言感到十分兴奋！新歌内容讲对以前的女友感到悔疚，问到Hubert属于什么类型的男朋友时，他直言对女友会十分关怀：「我有信心讲我会摆好多心机同时间喺我另一半身上。」

胡鸿钧（Hubert）透露新歌《没身份妒忌》是2016年时与好友苏道哲一起写的：「事隔差不多4年终于可以推出，好似我哋当年的心血终于可以同大家分享！所以对我来说特别有意义，亦都好开心歌曲推出冇耐，喺唔同平台或坊间都听到好多正评，对我来讲都系一支好大嘅强心针。」

新歌《没身份妒忌》所讲的，Hubert相信大家都会遇过：「就系你有啲后悔想当年同另一半一齐时冇做得好。即系当年同佢一齐时唔系好识珍惜，可能因为年纪仲轻，对谈恋爱呢件事未系有一个好深入了解或者未系好认真。然后过咗一段时间你慢慢成熟，慢慢长大，回顾当年嘅关系，心入面有一种悔疚。」

MV中，Hubert有两个造型，其中饰演一个暴躁的男朋友，他笑言虽然大家对他的感觉是斯斯文文，不过现实的自己都有这一面：「都有脾气唔系咁好嘅时候，应该每一个人都有呢一面，但系我好少喺镜头前面演绎呢一面，但亦都好顺利地拍摄时基本上都一Take过。」

问到属于什么类型的男朋友，Hubert直认自己对女友会十分关怀及体贴：「我会几顾及另一半感受，我唔敢讲系完美男朋友或者100分男朋友，因为我相信世界上系冇呢样嘢！只可以不断进步同埋不断去变好。但我有信心去讲我会摆好多心机同时间喺我另一半身上。」

去年拍《降魔的2.0》时堕下撞伤头部要休息半年，新一年Hubert笑指自己首先要强身健体！而在音乐方面，Hubert表示会继续勤力一点写多点歌：「希望未来的作品有多啲自己创作嘅部分。」