相恋21年,今天工作伙伴关系不变。

43岁的焦媛将于情人节演出全新自编音乐剧《约定香奈儿》,纪念逝世20年的父亲,她笑言到时跟前世情人共舞庆祝。不过,讲到跟今世情人高志森关系,焦媛忍不住喊住承认两人已于年多前正式分手,结束21年关系,但不涉及第三者,只是她有心结不能解开,对另一半的要求亦已改变,她现在需要个明白同理解她的人,但她强调两人工作伙伴关系不变,更表示对方一直对她好好,是她一世的老师。

本文来自 雪花台湾,本文标题:焦媛爆同高志森分手多年 哭说需要明白理解我的人 ,转载请保留本声明!

为《约定香奈儿》焦媛瞓身排练,连新年假期只为工作人员休息两天。

焦媛10年前曾创作《容易受伤的女人》纪念逝世父亲,今年再亲自编写音乐剧《约定香奈儿》送给爸爸,她更形容这是个自虐自疗过程,每日写剧本回忆起爸爸就喊几次。这日她在排练室先讲到跟父亲关系,“我3岁前都冇同父母生活,系婆婆凑我,我细个系缺乏父母嘅爱,直到一家四口嚟到香港,爸爸亦都被迫转行由京剧演员变成工厂杂工,虽然佢冇埋怨过,但系佢一得闲就攞啲京剧录影带睇,我见到就放咗自己情感落去,认为佢一定系好唔开心啦!觉得要为爸爸出番啖气,希望佢为我骄傲,所以我之后唔系唔钟意舞台同艺术,但系有八成系孭咗爸爸压力上身,但呢啲系我一厢情愿嘅谂法,我冇同爸爸好好对话,冇沟通过去了解佢真正感受,但爸爸系我精神价值,所以话我恋父狂我认。”

焦媛跟高志森拍拖以来,工作上亦合作无间,制作过多套出色舞台剧作品,今次《约定香奈儿》高志森亦有给予意见。

正因为多年来带着这份压力工作,焦媛年几前终于爆煲,要向心理医生求助,“佢话我永远唔满足,永远觉得自己做唔好,去到有小小扭曲,自困情绪,因为我做呢行嘅初心,八成系为咗爸爸,好唔好彩啱啱毕业有机会演戏嘅时候,佢就离开咗,我永远冇得到佢一个回应,永远揾唔到呢个答案,但我放唔低爸爸做唔番呢行系佢自己嘅命运,我要学识放低,不过唔系一朝一夕,我呢个性格都40年,点会咁快放得低,但起码知个问题喺边。同埋我亦都要重新审视同舞台艺术关系,以前努力系为爸爸,依家要谂自己想要啲咩,唔系再为其他人,用另一种心情去享受个舞台。”

《约》剧以独脚戏形式表达,焦媛更会首次以京剧造型演出。



这次情绪问题,令焦媛重新审视还有跟高志森长达21年的恋爱关系,“我承认我对佢系有恋父嘅关系影响,但我真正爱佢几多系纯粹爱情。不过我由细到大都睇唔起同班啲男仔,因为我觉得佢哋唔叻囉!一定要够叻,可以Lead到我行嘅,我系咁样去睇爱情,唔系触电𠮶种,因为爸爸𠮶时对我嘅教育系咁㗎嘛!永远都系𠮶个高标准囉!但依家未必咁样去睇爱情,唔一定系要叻,反而明白你了解你,同你一齐去行,而唔系Lead住你行,Lead住你永远都系一样好辛苦嘅嘢,永远跟住后面,反而同步一齐成长仲好。”

09年,焦媛跟张达明合演舞台剧《容易受伤的女人》以纪念忘父。

追问这样想是否代表跟高志森已分手,焦媛忍不住喊着承认,“真系分咗手,我哋工作关系系好好嘅,佢系一世嘅老师,但感情就唞一唞。”她又话:“佢好好,系我自己唔同阶段都有变化,以前细个20几岁好叻嘅人已经满足到我情感上嘅要求,过一段时间我又成立自己个团,佢变成工作上伙伴好夹,以为呢个都系爱情,到我40岁开始,需要一个明白理解我嘅人,女人都系咁,点解女人最终要结婚生仔,某个阶段需要陪伴,精神上嘅陪伴,咁就开始有问题啦!(系咪想揾对象结婚生仔?)我要揾到自己先,再揾个啱自己嘅伴侣,不过我仲系相信爱情。”至于两人有否复合可能,“呢个唔可以一厢情愿,唔系又变咗好似我同爸爸嘅关系,好似一个人单恋咁,感情系要双方,唔可以不停咁付出,人哋唔系咁谂呢!我成都话,你爱我,你要做畀我睇,所以沟通好紧要。”

焦媛(左一)一家在她3岁时,由北京移居香港,焦爸爸亦从此放弃京剧演员的身份。

焦媛跟高志森年龄相差18岁,2000年刚在演艺毕业、24岁的她承认跟男方拍拖,更一度背上第三者之名,最终高志森公开98年已跟太太离婚,不过两人关系初时仍未被看好,后来随着工作上合作关系,感情亦愈来愈稳定,其间亦传出过婚讯,转眼已相恋21年。

已在舞台剧界独当一面的焦媛,不断在内地巡回演出,但原来内心并不开心。

拍拖初期,焦媛跟高志森关系不被看好。

一家四口移民夏威夷后,高志森做太空人关系,跟太太感情转差。