紀念日生日慶祝食飯永遠係個大難題,小編口袋名單上永遠有呢間,唔駛幾千蚊落樓兼有自助餐食,自助餐菜式一d都唔hea,今次仲有以小編最愛既芒果主題既Buffet,由前菜、沙律、熱葷、精選主菜以至甜品,都加上清新香甜既芒果,聽到呢度,小編就即刻book 位試!

自助餐 必食1-鐵膽必食海鮮刺身!

自助餐冇海鮮刺身,點算食過Buffet,出面賣得好貴既生蠔凍海鮮同刺身呢度通通都有!生蠔即叫即開、時令生蠔受食客追捧。

▲小編最欣賞呢度雪花蟹腳,蟹鮮味受海水咸香味濃,令人回味無窮。

▲呢度唔係主打刺身,款式都係普通野。而生蠔來自愛爾蘭、葡萄牙及美國的三款時令生蠔,各具特色和風味。

自助餐 必食2-清新芒果熱葷!

▲以芒果粒入饌既美式芒果燒豬柳,更顯豬柳肉鮮。

▲芒果加入白汁海鮮焗飯感覺清爽

▲香煎蟹肉蝦餅伴香芒莎莎,芒果同蟹肉蝦餅一拍即合,軟嫩蟹肉、爽彈蝦膠伴上開胃的香芒莎莎,係一道令人回味美食。

自助餐 必食3-選擇困難發作!超多主菜揀!

每位客人可以從Menu上自選一款主菜,全部都以優質海鮮或上乘肉扒入饌,份量都唔細,如果多人一齊去食,小編建議大家揀唔同款交換試下,甚至share食。

▲烤澳洲牛柳及鴨肝芒果松露.

▲香煎鱈魚柳伴芒果牛油檸檬汁

自助餐 必食4-人氣芒果創意甜品!

芒果係甜品界大熱水果,製作精美甜品除左可口美味,仲目不暇給,十多款輪流供應芒果甜點,包括芒果糯米飯、芒果意式芝士餅、迷你芒果海綿蛋糕,樣樣都高質之選。

▲迷你芒果海綿蛋糕

▲芒果糯米飯

▲日本黑糖芒果啫喱

▲大量芒果主題甜品令人唾涎三尺,留意返中間既原隻芒果唔係擺設,係可以原隻拎黎食架!

▲最後食自助餐點少得食雪糕,呢度供應Häagen-Dazs 雪糕及即製乳酪軟雪糕,滿足一眾芒果控和雪糕控。

百變香芒‧海鮮半自助晚餐@Kudos

地址:銅鑼灣禮頓道 8 號香港銅鑼灣皇冠假日酒店 1 樓

電話:(852) 3980 3000

供應期:2018年6月1日至8月31日(6月16日及17日除外)

供應時間:6:30pm 9:30pm

星期日至四

$578 / 成人 $348 / 小童 (5-11歲)

星期五、六、公眾假期及其前夕

$598 / 成人 $368 / 小童 (5-11歲)

文字/圖片:香港人.遊香港

—————————————————————

相關文章:

【 自助餐攻略 !65折食盡海鮮+生蠔+多款刺身+無限量海膽!】

【榴槤控必食 下午茶甜品自助餐】

相关文章